TOP
  • Home
  • Amawulire
  • Poliisi yeezoobye n'aba DP ng'ebatangira okugenda ku Palamenti

Poliisi yeezoobye n'aba DP ng'ebatangira okugenda ku Palamenti

By Hannington Nkalubo

Added 12th December 2017

ABAKULEMBEZE ba DP okuli Pulezidenti Nobert Mao ne ssentebe w’ekibiina Mayambala Kiwanuka bakwatiddwa n’abavubuka nga batambula okugenda ku Palamenti okuwulira ababaka bwe bateesa ku kugya ekkomo ku myaka gya Pulezidenti.

Tola1 703x422

Poliisi ng’ekwata Mao

Waabaddewo okulwana nga poliisi ebataayiza era abaserikale babafuuyidde kaamulali abamu amaziga ne gabayitamu.

Okulwana kwabadde ku Kampala Road ku ssaawa 8:00 ez’olweggulo ku Lwokubiri.

Pulezidenti Mao ne Mayambala Kiwanuka baasoose kutuuza lukiiko lwa bannamawulire ku City House ku makya ne bavumirira ababaka abaagala okugya ekkomo ku myaka gya Pulezidenti.

Mao yalaze empagi musanvu ze baagala zinywezebwe mu Ssemateeka nga tezikwatibwaako.

“Palamenti eteekwa okuzaawo ekkomo ku bisanja by’abakulembeze.

Bateekwa okunyweza ekkomo ku myaka gya Pulezidenti gisigale ku 75, Palamenti eteekwa okukuuma ekitibwa kyayo nga yeetengeredde n’ekitibwa kyessiga eddamuzi nga teriyingirirwa.

Gavumenti eteekwa okukkiriza okugabana obuyinza n’abantu n’okulekera abantu eddembe lyaabwe eryokwogera n’okwewala okukwata ku ttaka ly’abantu” Mao bwe yategeezezza.

Yatongozza wiiki y’okukungubaga eyatandise ku Mmande ng’erimu okwesiba obuwero obumyuufu ku mutwe, okugaba bendera za DP, okusomesa abantu ebyobufuzi n’okukuba enkiiko mu bitundu by’eggwanga eby’enjawulo.

Mao olwamalirizza okulangirira bino n’ategeeza nti bagenda mu Palamenti kuwuliriza babaka bwe bateesa.

Abaserikale abaabadde mu ngoye za bulijjo ne yunifomu baabasanze ku Kampala Road nga tebaabakkiriza kunyonnyola ne bamulagira alinnye kabanga nga bwe baaganyi ne babakwata ne babatwala ku poliisi ya CPS.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...