TOP
  • Home
  • Amawulire
  • Buli muntu kimukakatako okugula satifikeeti - Mayiga

Buli muntu kimukakatako okugula satifikeeti - Mayiga

By Dickson Kulumba

Added 13th December 2017

Katikkiro wa Buganda, Charles Peter Mayiga yasinzidde ku mukolo gw’okuggalawo ‘Luwalo Lwaffe 2017’ e Bulange- Mmengo ku Lwokubiri n’ategeeza nti kikakata ku buli muntu wa Buganda okugula satifikeeti n’okuwaayo kyonna kyalina okutambuza emirimu gy’Obwakabaka.

Olusirika5 703x422

Katikkiro wa Buganda, Charles Peter Mayiga

ENSIMBI obukadde 203 ze zikung'aanyiziddwa amaggombolola mu Buganda mu nkola ya ‘Luwalo lwaffe 2017’ ng’abatuuze b’eggombolola y’e Makindye mu Kampala be basinze n’ensimbi 17,465,000/-. Ate essaza ly’e Kyadondo lye lisinze amalala n’ensimbi 54,806,000/-.

Katikkiro wa Buganda, Charles Peter Mayiga yasinzidde ku mukolo gw’okuggalawo ‘Luwalo Lwaffe 2017’ e Bulange- Mmengo ku Lwokubiri n’ategeeza nti kikakata ku buli muntu wa Buganda okugula satifikeeti n’okuwaayo kyonna kyalina okutambuza emirimu gy’Obwakabaka.

Yasabye okukomya enjogera egamba nti ‘Ab’e Mmengo’ kubanga tewali muntu gwe baazaalira Mmengo. “Kino ekikolebwa ekya Luwalo lwaffe kyongera ebigimusa mu nkulaakulana y’Obwakabaka era mbakubiriza ensimbi ze tufunye omwaka guno okulaba nga tuzikubisaamu emirundi ebiri omwaka ogujja kuba ensimbi obukadde 203 nnyingi okukuhhaanya kyokka ku ddaala ly’Obwakabaka ntono nnyo,” Mayiga bwe yategeezezza oluvannyuma n’atongoza enkola ya ‘Akabbo k’Oluwalo 2018.’

Obukadde 12 ze zaaleeteddwa amagombolola okuli Mumyuka Nakawa (obukadde butaano), Ssabagabo Lufuka (obukadde mukaaga), nga gano g’e Kyaddondo, ab’e Ddwaniro- Ssingo baleese 400,000/-, ab’e Ssisa- Busiro baleese 870,000/- ate ab’e Kayonza- Bugerere 300,000/-.

Minisita omubeezi owa Gavumenti ezeebitundu, Joseph Kawuki yategeezezza nti omwaka ogujja minisitule eno, essira egenda kulissa ku kulambula abantu ba Kabaka nga Minisita waakulambula amasaza gonna ng’atandikira Buweekula nga January 9, 2018.

Abaami b’amasaza nabo balina okulambula amagombolola, abaamagombolola balambule emiruka n’abakulembeze abalala abaddako wansi balambule ebitundu bye batwala okutuukira ddala mu maka.

“Eggombolola y’e Makindye yaddiriddwa Ssabawaali Gombe- Kyaddondo n’ensimbi 10,571,000/-, Mutuba I Nangabo- Kyaddondo 8,240,000/- ate mu masaza Kyaddondo eddiriddwa Buddu ne 33,728,000/- ne Busiro 21,673,000/- nga tulabyewo okulinnya okuva ku nsimbi 137,934,400/- okutuuka ku bukadde 203.

Bukya nkola eno etandikibwa mu 2015, yaakavaamu ensimbi 692,562,000/- noolwekyo twebaza nnyo abakulembeze n’abantu ba Kabaka bonna,” Kawuki bwe yagambye.

Akulira ekitongole kya Majestic Brands ekikwanaganya enkola eno, Ronald Kawaddwa yategeezezza nti omwaka ogujja wateereddwaawo ebirabo ebigenda okuweebwa eggombolola, Omwami w’eggombolola n’omuntu ssekinoomu abanaasinga okujjumbira abantu enkola eno.

Mu ngeri y’emu ab’e Kyegonza- Gomba baaleese e Mmengo amakula omwabadde ente, amatooke n’ebirala.

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo