TOP

Katikkiro alambudde amasiro e Kasubi

By Dickson Kulumba

Added 20th December 2017

KATIKKIRO wa Buganda, Charles Peter Mayiga alambudde omulimu ogukolebwa mu masiro e Kasubi n’ategeeza nti gwetaaga ssente nnyingi, obukugu n’obugumikiriza.

Kulambula1 703x422

Charles Peter Mayiga

Mayiga yabadde ne baminisita ba Kabaka n’Omulangira Chrispin Jjunju ne balambula omulimu gw’okuzzaawo Muzibu Azaalampanga we gutuuse n’ayongera okuwera eri Bassekabaka nti gugenda kuggwa mu mbeera yonna.

“Teri mulimu muzibu mu Buganda ng’okuzimba amasiro. Omulimu guno gwetaaga obukugu kuba abakola eby’ennono nga Bawabulakayole tebawera wadde 10 mu Buganda. Gwetaaga obugumiikiriza bw’otunuulira obudde bwegututte ate n’ensimbi enkumu kuba ennaku zino buli ssente omuwanika zafunawo, azisindika Kasubi,” Mayiga bwe yagambye.

Maneja wa pulojekiti y’okuzzaawo amasiro, Jonathan Nsubuga yagambye nti omulimu gwetaaga obuwumbi bubiri okumalirizibwa nga ssente bwe zinaabula gujja kutwala ebbanga ddene.

‘Twasaba Gavumenti etwongere obuwumbi bubiri n’ekitundu okukola omulimu guno kyokka tetunnaba kuzifuna. Ssinga tufuna ssente zino omulimu gusobola okumalirizibwa mu July wa 2018.

Guno mulundi gwakubiri nga Katikkiro alambula omulimu ogukolebwa bukya bayimiriza abantu okulambula amasiro mu March 2016.

Ssentebe w’olukiiko oluli ku mulimu gw’okuzzaawo amasiro, Hajji Kaddu Kiberu yategeezezza nti waliwo omulimu munene ogukoleddwa okuva ku lunaku lwa May 17, 2017.

Hajji Kiberu yategeezezza nti okuwunda munda gusigaddeko omulimu mutono nga mu kiseera kino abazimbi batandise okuteeka emiti gy’emisambya wabweru w’akasolya era okwongeramu amaanyi mu mulimu guno, bafunye ebinywa by’emmuli 3500 okumaliriza munda mu kasolya.

More From The Author

Emboozi z’omuwandiisi endala

Emboozi endala

Bobiwineatmagere 220x290

Bobi Wine ayogedde ku ngeri gye...

" Akawungeezi ka Mmande nnabadde mu kisenge kya wooteeri mwensula ne mpulira abantu nga bagamba ggulawo kyokka...

Long1 220x290

BUKEDDE W’OLWOMUKAAGA YAFULUMYE...

Bobi Wine, mukazi we amutunuddeko e Makindye gy’akuumirwa n’azirika olw’embeera gy’alimu. Omubaka Zaake bamuleese...

Candia 220x290

Nnannyini wooteeri ya Pacific e...

NANNYINI wooteeri ya Pacific Hotel mu kibuga Arua asambazze ebyayogeddwa poliisi nti emmundu ez’ekika kya SMG ebbiri...

Genda1 220x290

Baka balamu bange bannemesezza...

NZE Shifrah Nalwadda 25. Mu 2016 omusajja ayitibwa Akim yankwana era nange ne musiima ne mmukkiriza n’antwala ewuwe...

K3 220x290

Ab'e Kamwokya bazzeemu okwekalakaasa:...

Ab'e Kamwokya bazzeemu okwekalakaasa: Baagala Bobi Wine ayimbulwe