TOP
  • Home
  • Amawulire
  • Batabukidde Ssekandi mu Klezia e Lubaga ng'awolereza abaakutte ku Konsityusoni

Batabukidde Ssekandi mu Klezia e Lubaga ng'awolereza abaakutte ku Konsityusoni

By Muwanga Kakooza

Added 26th December 2017

OMUMYUKA wa Pulezidenti, Edward Kiwanuka Ssekandi abantu bamutabukidde mu kusaba e Lubaga bw’ababadde agezaako okunnyonyola ebyabaddewo mu kukyusa Konsityusoni okuggyamu akawaayiro k’ekkomo mu myaka gya Pulezidenti akabadde katangira Pulezidenti Museveni okuddamu okwesimbawo mu 2021.

Kwata1 703x422

Okuva ku kkono: Katikkiro Charles Peter Mayiga ng'alina by'anyumya n'omumyuka wa Pulezidenti, Edward Ssekandi (wakati) ne minisita omubeezi ow'ebyenjigiriza, J.C Muyingo. Ekif. Muwanga Kakooza

Ssekandi yabadde mu kusaba kwa Ssekukkulu e Lubaga okwakulembeddwa Ssabasumba w’esaza ekkulu ery’e Kampala Dr. Cyprian Kizito Lwanga nga kwetabiddwamu katikkiro wa Buganda, Charles Peter Mayiga n’abanene abalala.

Mu kusaba kuno, Ssabakiristu w’esaza, Anthony Mateega  yasoose kucomera babaka ba Palamenti ng’abakuutira okuwulirizanga eddoboozi  ly’abantu wamu n’okuvumirira ebigambibwa nti abajaasi bayingira Klezia y’oku Palamenti mu biseera by’okukyusa Konsityusoni.

Kyokka Ssekandi bwe yaweereddwa omukisa okwogera yagambye nti Konsityusoni ekkiriza okugikwatako.

Yagambye nti y’omu ku baagikola era erimu obuwaayiro obulambika engeri y’okugikyusaamu.

Kino tekyasanyudde bantu abaatandise okuvuvuuma n’oluvannyuma eddoboozi ne likulira ddala nga bagamba nti ‘’..a..a..a..’’.

Kyokka yagenze maaso n’okwogera wakati mu bantu okuvuvuuma okulaga nti ssi bamativu na byabaddewo.

Oluvannyuma Ssabasumba naye yavumiridde eky’okukwata obubi ababaka abaabadde bawakanya okukyusa Konsityusoni n’asaba abakuumaddembe okuba n’omutima gw’obuntubulamu.

Katikkiro wa Buganda Charles Peter Mayiga yagambye nti abantu ba Buganda balina okutwala Kabaka ng’ekikubagizo kyabwe bwe baba mu mbeera ebanyigiriza ng’eno.

More From The Author

Emboozi z’omuwandiisi endala

Emboozi endala

Kab1 220x290

Katikkiro asoomoozezza Stanly Ntangali...

Katikkiro asoomoozezza Stanly Ntangali ku lulimi oluganda

Hib2 220x290

Ab'olulyo olulangira bakoze bulungibwansi...

Ab'olulyo olulangira bakoze bulungibwansi

Kab2 220x290

Desabre ayogeeyoge kati tulinze...

Desabre ayogeeyoge kati tulinze kawoowo

Deb2 220x290

Nneekolera ebigimusa okuva mu muddo...

Nneekolera ebigimusa okuva mu muddo ogunneetoolodde

Kat2 220x290

Alunda enkoko ez’ennyama n’amagi...

Alunda enkoko ez’ennyama n’amagi weekwate ekirungo kya ‘INTRACO