TOP
  • Home
  • Agebwelu
  • Bagenero ba North Korea Amerika ebataddeko obuwumbi 72,000

Bagenero ba North Korea Amerika ebataddeko obuwumbi 72,000

By Musasi wa Bukedde

Added 28th December 2017

WASHINGTON BAGENERO babiri aba North Korea, Kim Jong un kw’asibidde olukoba olw’amagezi agabeesera mu kuyiiya ebyokulwanyisa ebya nukiriya ne mizayiro, Amerika ebataddeko obutitimbe bwa ssente eri omuntu yenna anaabakwata oba okubatta.

170411kimjonunnorthkoreamilitarynjs122pe9621b50aea276627972efe9f3dd856anbcnewsux28801000 703x422

Kim Jong-sik ne Ri Pyongchol be basajja abali emabega w’okuweesa bbomu eza nukiriya ne mizayiro ez’ekika kya ‘Intercontinental Ballistic Missile [ICBM] omuli eyitibwa Hwasong-15, North Korea gye yaakasembayo okugezesa ne kikakasibwa nti esobola okukuba mu Amerika.

Buli omu ku bagenero abo assiddwaako doola obukadde kkumi (eza Uganda buwumbi 36,000) eri omuntu anaabakwata oba okubatta era ebifaananyi byabwe byassiddwa ku lukakala lw’abamenyi b’amateeka abayiggibwa Amerika.

Nga tebannasibwa ku lukalala olwo, ekitongole ekya Amerika ekya US Treasury kyabatadde ku lukalala lw’abantu abatalina kulinnya kigere mu Amerika, okukolera bizinensi oba omuntu oba kkampuni yonna mu Amerika okukolagana nabo.

Basajja bombi, Kim Jong un abeenyumirizaamu era bwe yakoze omukolo ggaggadde ogw’okukuza n’okwambaza ennyota ba Genero be ne bannassayansi abaayiiyizza n’okuweesa ebyokulwanyisa ebya nukiriya, be basoose ku mwanjo mu kwambazibwa ebitiibwa Ku mukolo ogwo, Kim Jong un yakuzizza bannamagye ab’oku ntikko 17 gattako ne bannassaayansi 21 nga bano baaweereddwa emidaali egisingayo ekitiibwa mu North Korea egya; Order of Kim Il Sung ne Order of Kim Jong Il, nga Kim Jong un abasiima olw’obuyiiya, n’obuzira.

Ekitongole kya Gavumenti eky’amawulire ekya KCNA kyategeezezza nti ng’oggyeeko okubawa ennyota, emidaali n’ebitiibwa ebirala, bagenero ne bannassaayansi baagonnomoddwako emmotoka, amayumba ne ssente enkalu buli omu Kim Jong un n’amusika mu mukono ng’agamba nti obuyiiya bwabwe bwe bufudde North Korea ky’eri kati nga ne Amerika egitya.

Mizayiro Hwasong-15, empya ttuku, bannassaayansi ba North Korea gye baamaliddeko amagezi esobola okuva mu North Korea n’ekuba awantu wonna w’eyagala ku lukalu lwa Amerika yagezeseddwa ku nkomerero ya November.

Hwasong-15 y’emu ku bika bya mizayiro za North Korea ezigwa mu ttuluba erya ‘Intercontinental Ballistic Missile [ICBM] nga mu kugigezesa yakubiddwa okuva ku kitundu eky’e Kusong ekisangibwa mu bukiikakkono bw’ekibuga ekikulu Pyongyang.

Mizayiro eno Hwasong-15 olwa situse ku ttaka ng’ekimyanso, yasoose kutuumbiira mu bire 4,475 km (ze mayiro 2,800) n’eryoka etolontoka miita 950 nga yamaze mu bwengula eddakiika 53 ne yekatta mu guyanja Sea of Japan.

Mu September omwaka guno , North Korea yagezesa bbomu nnamuzisa ey’amaanyi ga nukiriya n’ereeta Musisi ow’amaanyi wa kipimo kya 6.3 eyakankanya North Korea yonna n’awanga ag’omuliraano okuli China, Russia ne South Korea.

Bbomu ya nukiriya eno ekubusaamu emirundi etaano bbomu nnamuzisa eya Atomic bomb, Amerika gye yakuba n’essanyaawo ebibuga bya Japan e Nagasaki ne Hiroshima nga August 9, 1945 n’etta abantu 80,000 mu ddakiika ntono ezaasooka n’oluvannyuma abantu abalala 400,000 ne bafa ate n’okutuusa kati bakyafa endwadde ezeekuusa ku butwa obwanuusibwa bajjajjaabwe.

More From The Author

Emboozi z’omuwandiisi endala

Emboozi endala

Lab12 220x290

Okulonda kwa Ssentebe wa NRM e...

Okulonda kwa Ssentebe wa NRM e Mityna kuzzeemu kigoye wezinge

Gwe1 220x290

Taata bamuwadde emitwalo 30 n'awaayo...

Taata bamuwadde emitwalo 30 n'awaayo omwana we ew'omusamize bamusadaake

Nsamba22pulaaniusewebuse 220x290

Mukuume obumu musobole okwekulaakulanya...

Ab'ekika ky'Engabi beetaaga obukadde 13o okuzimba ekiggwa kyabwe

Omwala2webuse 220x290

Ab'e Kansanga beeraliikirivu olw'omwala...

Abatuuze e Kansanga mu Makindye beeraliikirivu olw'omwala ogwasalamu ekkubo gwe bagamba nti gwandigwaamu abaana...

Babaka1 220x290

Sipiika tuyambe naffe baagala kututta...

ABABAKA ba Palamenti musanvu baddukidde ewa Sipiika nga balaajana nti waliwo ababalondoola abaagala okubatta nga...