TOP
  • Home
  • Buganda
  • Kabaka alagidde: 'Ekiseera kituuse Abaganda okwenyigira mu byobufuzi n'obukulembeze mu bifo ebitali bimu''

Kabaka alagidde: 'Ekiseera kituuse Abaganda okwenyigira mu byobufuzi n'obukulembeze mu bifo ebitali bimu''

By Dickson Kulumba

Added 29th December 2017

Nga kye ngezaako okuteegeza, ekiseera kituuse twenyigire mu byobufuzi n’obukulembeze mu bifo ebitali bimu,” Kabaka bwe yalagidde abantu be.

Kabakadinner14 703x422

Kabaka ne Nnabagereka nga batuuka ku mukolo

KABAKA Ronald Muwenda Mutebi asinzidde ku mukolo kwe yasisinkanidde Abaganda ababeera ebweru wa Buganda n’agamba nti ekiseera kituuse abantu be bavuganye ku bifo byonna eby’obukulembeze mu Uganda.

Kabaka yagambye nti ekiseera kino Buganda eri mu kusoomoozebwa mu byenfuna n’ebyobufuzi nga kyetaagisa okuba abanywevu era abavumu.

“Ekimu ku bitukosa n’okutuzza emabega kwe kulekera abalala okutusalirawo ku nsonga enkulu ezikwata ku Bwakabaka n’eggwanga lyaffe.

Ekiseera kituuse eddoboozi lyaffe lyongere okuwulirwa n’amaanyi amangi.

Okusobola okutuuka ku kino, tuteekwa ffenna obutazingira mikono mabega.

Nga kye ngezaako okuteegeza, ekiseera kituuse twenyigire mu byobufuzi n’obukulembeze mu bifo ebitali bimu,” Kabaka bwe yalagidde abantu be.

Wakati mu nduulu ey’olulekereke, Kabaka yeebazizza abantu be ababeera ebweru wa Buganda olw’okukomyawo abaana baabwe n’agamba nti kiyamba okubalaga n’okubamanyisa ensibuko yaabwe.

“Mubalambuze obutaka n’embuga z’ebika byammwe. Buganda eyimiriddewo ku bika, kino kikulu era abaana baffe kikulu okubimanya obulungi. Njagala okwebaza ebigambo n’ebirowoozo by’ababaka, tujja kubirondoola n’obwegendereza era ekiseera ky’ekimu twebaza amakula,” Kabaka yategeezezza.

More From The Author

Emboozi z’omuwandiisi endala

Emboozi endala

Kip2 220x290

Gavumenti eremedde ku ky’okusiba...

Gavumenti eremedde ku ky’okusiba abali ku gw'okutemula Kaweesi

Fam2 220x290

Maama bamusse n’abaana be 3

Maama bamusse n’abaana be 3

Fut2 220x290

Teddy alaze ebyobugagga by’akoze...

Teddy alaze ebyobugagga by’akoze ne Bugingo

Lab2 220x290

Ekibiina ekigatta bannannyini mawoteeri...

Ekibiina ekigatta bannannyini mawoteeri kivuddeyo ku bye bbibiro lya Murchion Falls

Afiiriddemukkanisa3 220x290

Afiiridde mu kkanisa

Poliisi y’ekitundu ereese kabangali okutwalirako omulambo mu ggwanika kyokka abagoberezi ne bagiremesa nga bagamba...