TOP
  • Home
  • Amawulire
  • Gravity akubye maneja wa Daxx Kartel eng’uumi mu Nkuuka

Gravity akubye maneja wa Daxx Kartel eng’uumi mu Nkuuka

By Josephat Sseguya

Added 2nd January 2018

ENGUUMI enyookedde mu Nkuuka y’omwaka mu Lubiri e Mmengo omuyimbi Gravity Omutujju bw’aggunze maneja wa Daxx Kartel ekikonde ekimugye ku siteegi n’agwa mu bawagizi ng’amulanga kuggyako byuma bwe yabadde ayimba.

Kartel 703x422

Maneja Eddie Muwonge yalinnye ku siteegi ku ssaawa ssatu ez’ekiro nga Gravity Omutujju ayimba oluyimba lwa Winner ebyuma ne bivaako omulundi gumu.

Gravity agenda okukyuka okutunula ewa DJ, amaaso yagakubye ku maneja Eddie ng’ali ku byuma n’amulumba n’amwokya ekikonde ekyaddiridde akavuyo ng’ekibinja kya Gravity kirwanagana n’ekya Daxx Kartel.

Baabizzizzaako n’addamu okuyimba era bwe yamaze, Gravity yeegayiridde Muwonge amusonyiwe kyokka aba Daxx Kartel ne babigaana era olutalo ne luddamu olwo Gravity n’adduka n’adda ku siteegi n’asangako Lyto Boss ng’ayimba abataasoose kumanya nti olutalo lukyagenda mu maaso ne beewuunya ekimuzzizza.

Poliisi yazze n’ebataasa n’etwala Gravity ku mmotoka ye n’ekibinja kye olwo Daxx Kartel eyayimba Bakuzaala mu bbaala naye n’alinnya ku sitegi n’ayimba.

Abaabadde ku siteegi baatutegeezezza nti Eddie yasoose kuyomba ng’agamba nti balina ekivvulu ekirala kye bagenda okuyimbiramu ng’ate Gravity alemedde ku siteegi.

Yalabye abategesi baagala kuzzaako Winnie Nwagi gwe baasoose okutuuka kwe kugenda mu byuma ateekeyo CD ya Daxx Kartel ebyuma ne bivaako.

Enkuuka yategekeddwa Abtex Promotions.

More From The Author

Emboozi z’omuwandiisi endala

Emboozi endala

Mknmu21 220x290

Ababadde batwala omulambo batuuyanye...

Abatuuze ku kyalo Nassuuti mu munisipaaali y’e Mukono baasitaanye okufuna ebiwandiiko ebitambuza omulambo gwa munnaabwe...

1bc8d9398e5f4a07a3307fdfeb1d90ad 220x290

Kasujja omukulu w'ekika ky'Engeye...

OMUTAKA Hajj Mohamood Minge Kibirige Kasujja abadde akulira ekika ky’engeye obulwadde bwa sukaali ne puleesa bimugye...

Mkncov11 220x290

Ab’e Mukono batandise ekifo aw’okukuumira...

Ab’e Mukono batandise ekifo aw’okukuumira abateeberezebwa okuba ne Coronavirus

414009d1dd2349e0bd6b4678886a42d21 220x290

Kabaka awaddeyo obukadde 100 okuyamba...

KABAKA Ronald Muwenda Mutebi II addukiridde Bannayuganda n’obuyambi obw’enjawulo obubalirirwa obukadde 100 ng’ensimbi...

Lop2 220x290

Omusumba Bp. Silvester Kisitu asabye...

Omusumba Bp. Silvester Kisitu asabye Bannayuganda okubeera abaweereza abalungi