TOP

Gav't edduukiridde amasomero gaayo e Lwengo

By Musasi wa Bukedde

Added 3rd January 2018

GAVUMENTI edduukiridde amasomero gaayo mu disitulikiti y'e Lwengo agabadde mu mbeera embi.

Lwengo 703x422

Kino kiddiridde Bukedde okufulumya amasomero agalaga engeri amasomero gano gye gali mu mbeera etategeerekeka omwaka oguwedde nga n'agamu enkuyege zaalya emiti, ebyayi n'essubi ebyakozesebwa okugasereka nga n'agamu gali kyangaala!.     

Oluvannyuma lwa Minisitule y'Ebyenjigiriza okufuna amawulire ago, baatudde ne basalawo okusakira amasomero gano obuyambi nga bayita mu bbanka y'ensi yonna eya WORLD BANK.    

Bafunye obuwumbi 5

Ying. Robert Kaweesi, avunaanyizibwa okulondoola ssente zino n'okulambula amasomero gano agaatandise okuzimbibwa yagambye nti baafunye obuwumbi butaano (5) okukola ku pulojekiti y'okuzimba ebizimbe ebiggya.

Kaweesi yategeezezza nti kawefube gwe baliko kwe kulaba nga bagaggyako engalo nga olusoma lwa ttaamu esooka terunnatandika kisobozese abasomesa n'abayizi okukola emirimu gyabwe mu budde.    

Amasomero mwenda aga Pulayimale ge galidde empanga okuli Nakateete Baptist P.S, Kyampalakata P.S, Bijaaba Moslem P.S, Lubaale P.S, Kisaana Bataka P.S Birunuma P.S, Lwekisujju P.S, St Mary's Kitooro P.S ne Lwebidaali P.s.     

Abazadde basanyufu

Bo abazadde n'abakulembeze basanyufu olwa Gavumenti okwanukula omulanga gwabwe.

Bagamba nti kino kigenda kuyambako mu kuzza omutindo gw'ebyenjigiriza ogubadde guserebye awamu n'okumalawo okwosaayosa kw'abasomesa n'abayizi okubadde kufuuse baana baliwo mu Lwengo.

More From The Author

Emboozi z’omuwandiisi endala

Emboozi endala

Lib2 220x290

Ab'omukago gwa IPOD bateekateeka...

Ab'omukago gwa IPOD bateekateeka kutwala ssabawolereza wa Gavumenti mu kkooti

Web 220x290

Nnaalongo akubye omwana wa muggya...

OMUKAZI atuze omwana wa muggya we n’amutta poliisi n’emutaasa ku batuuze nga baagala kumugajambula.

Kit2 220x290

Kitatta bamuggye e Makindye n'atwalibwa...

Kitatta bamuggye e Makindye n'atwalibwa e Luzira

Hip2 220x290

Olunaku lw'okuyonja akamwa lukuziddwa...

Olunaku lw'okuyonja akamwa lukuziddwa e Kayunga

Gat2 220x290

Abagambibwa okutigomya Matugga...

Abagambibwa okutigomya Matugga Poliisi ebakutte