TOP

Ebyalo 5 e Lwengo bikaaba bbula lya mazzi

By Musasi wa Bukedde

Added 6th January 2018

ABATUUZE ku byalo bitaano mu disitulikiti y'e Lwengo bali mu kattu lwa nnayikonto ebadde abawaniridde okufa.

Mazzi 703x422

Abantu nga bakung'aanidde ku nnayikonto okufuna ku mazzi. Nnayikonto yafunye obuzibu nga kati okusunda ekidomola ky'amazzi ne kijjula kikutwalira eddakiika 30 n'essaawa nnamba

Bya FLORENCE TUMUPENDE

Ebyalo okuli; Kyassonko, Busubi, Kyetume, Kisweera ne Kaabagala ebisangibwa mu ggombolola y'e Kisekka e Lwengo kati amazzi bagayita tuzzi oluvannyuma lwa payipu ezisika amazzi okwonooneka okuva wansi mu nnayikonto okwonooneka nga kati okusunda ekidomola kimu ne kijjula kitwala wakati w'eddakiika 30 n'essaawa nnamba! 

Ekizibu kino kyegattiddwako n'enzizzi okubeera ewala ng'abantu okufuna ku mazzi bamala kutindigga ng'endo mpanvu so nga n'okufuna agatundibwa nago ga bulumi; ekidomola kigula wakati wa 700 - 1000/-.     

Godfrey Namutinda, omu ku bavunaanyizibwa ku by'amazzi mu Lwengo yategeezezza nti balina enteekateeka okuyunga amasannyalaze g'enjuba gayambeko nnayikonto mu kusunda amazzi ku sipiidi abantu bawone okukozesa amaanyi amangi nga basunda.

Abatuuze basabye Gavumenti okubadduukirira okutaasa embeera eno eyinza okuviirako abantu n'ebisolo byabwe okufa olw'ebbula ly'amazzi kuba amazzi bulamu!

More From The Author

Emboozi z’omuwandiisi endala

Emboozi endala

Pi3 220x290

Apass ajereze Kenzo ne Fik Fameica....

Apass ne Eddy Kenzo bawakana ani asinga okwesala emisono wabaluseewo olutalo lw'ebigambo

Sev2 220x290

Pulezidenti asisinkanye abagagga...

Pulezidenti asisinkanye abagagga abalwanira ebizimbe mu Kampala

Muh1 220x290

Abasuubuzi basattira olw’obukwakkulizo...

Abasuubuzi basattira olw’obukwakkulizo Muhangi bw’abataddeko

Hop2 220x290

Abayizi boogedde eyabookezza

Abayizi boogedde eyabookezza

Bah3 220x290

Don Bahat akomyewo ku maapu.

Don Bahat awangudde engule mu mpaka za baseerebu e South Africa ne yewaana “abangoba bakongojja…”