TOP
  • Home
  • Amawulire
  • Kirumira talabiseeko mu kkooti ku musango gw'okwezza essomero

Kirumira talabiseeko mu kkooti ku musango gw'okwezza essomero

By Musasi wa Bukedde

Added 10th January 2018

OMULAMUZI wa kkooti Enkulu etaawulula enkaayana z’ebyobusuubuzi mu Kampala, Alvidza Elizabeth alagidde omugagga Godfrey Kirumira okujja mu kkooti yeewozeeko ku musango ogumuvunaanibwa ne bbanka ya DFCU okwezza essomero mu lukujjukujju.

Laba 703x422

Omusango guno gubadde gulina okuwulirwa wabula puliida wa Kirumira, Isaac Walukagga yasoose butabaawo mu kkooti ng’asindise omusigire we. Omulamuzi yasazeewo ayimirize kkooti okutuusa nga Walukagga azze.

Nga wayise akaseera, Walukagga yatuuse mu kkooti olwo n’eddamu wabula abawawaabirwa bonna tebaabaddewo kwewozaako, ekiwalirizza omulamuzi okuwa olwaleero (Lwakusatu) abawawaabirwa bajje beewozeeko n’abajulizi baabwe.

Yategeezezza nti Kirumira mulwadde ali ku ndiri tasobola kujja mu kkooti kyokka omulamuzi Alvidza n’amulagira yeewalirize ajje n’abajulizi abalala omusango guggwe mu bwangu.

Kkooti egenze mu maaso era omukungu avunaanyizibwa ku kubalirira ettaka okuva mu ofiisi y’ebyettaka, Lucy Kabenge 59, nga ye mujulizi owoomunaana ku ludda oluwaabi awadde obujulizi bwe.

Kabenge ajulizza ebbaluwa eyawandiikibwa aba bbanka ng’esaba okuweebwa omuwendo ogubalirirwamu mu ttaka ku bulooka nnamba 382,214,724 ne 1199 ng’eraga nti tekwali nkulaakulana yonna.

Ono ayongeddeko nti ettaka lyabalirirwamu obukadde 300 mu kiseera ekyo kyokka oluvannyuma kyazuulwa nti kwaliko essomero bano lye bezza okuva ku Ssendagire.

Stephen Ssendagire, alumiriza Kirumira okwekobaana n’aba bbanka ya DFCU 2008 abaali bamuwadde looni ne bawa Kirumira essomero lye ne mukyala we Gladys Nanyondo erya Bright Future Vocational School e Bwebajja nga tebamukkirizza kwenunula.

Omusango guddamu olwaleero ng’abawawaabirwa beewozaako.

More From The Author

Emboozi z’omuwandiisi endala

Emboozi endala

Aube2 220x290

Aubameyang agugumbudde abakulira...

Kitaawe, Pierre Aubame yazannyirako Gabon emipiira 80 era n’abeerako ne kapiteeni waayo wabula mu makkati ga wiiki...

Mourinho2 220x290

‘Abateebi banjiyeeyo mu maaso ga...

ManU, eyabadde yeesunze obuwanguzi, egudde maliri ne Wolves (1-1), ttiimu eyaakasuumuusibwa okujja mu Premier....

Ony 220x290

Abapoliisi abalabikidde mu katambi...

Poliisi ekutte basajja baayo bana abalabikidde mu katambi nga batulugunya omuvubuka wa 'people power' e Kajjansi...

Cho 220x290

Chozen Blood ayabulidde ekibiina...

Chozen Blood ayabulidde ekibiina kya 'Team No Sleep' agamba ebintu tebitambudde bulungi.

Kirumiranew5 220x290

OKUTTA KIRUMIRA: Basonze olunwe...

AMAGYE geekenneenyezza obujulizi ku kutemula Kirumira ne bagattako ne bye bakung'aanyizza mu bantu abaasoose okukwatibwa...