TOP
  • Home
  • Ssenga
  • Omuvubuka omulokole yantamya abasajja

Omuvubuka omulokole yantamya abasajja

By Musasi wa Bukedde

Added 12th January 2018

NZE Esther Esekenye 23, mbeera Kamwokya. Omuvubuka omulokole yamenya omutima n’antamya ebintu by’omukwano.

Malawo 703x422

Baatukuza batubuulirira okwekuuma abalenzi kuba abasinga baba baagala kukumanya oluvannyuma ne bakusuulawo.

Ebigambo bino nkuze bindi ku mutima, era nzijukira bwe nali mu S5, nafuna mukwano gwange omulenzi bwe twakwatagana mu by’okusoma n’okuwahhana amagezi mu nsonga ezitali zimu.

Yalina muganzi we bwe baakwatagananga mu by’omukwano, nange ne nfuuka mukwano gw’omuwala era ng’ambuulira buli kimu ekyali kigenda mu maaso mu mukwano gwabwe. Bwe twamala S6, twayawukana buli omu n’agenda ku yunivasite ey’enjawulo naye nga tulabagana ng’ab’omukwano abasatu.

Wabula ebigambo bazadde bange bye bahhambanga, natandika okubiraba ku mulenzi ono eyali mukwano gwange bwe yatandika okunkwana.

Kino kyampisa bubi kuba yali akimanyi nti muganzi we yali mukwano gwange era ng’ambuulira buli kimu. Okuva olwo enkolagana yaffe we yakoma.

Wabula ekiseera kyatuuka nga mmalirizza yunivasite ne ndaba nga neetaaga okufuna omulenzi gwe tunaafumbiriganwa naye. Wano we nnafunira omuvubuka omulokole ng’ono yali amaze ebbanga ng’ankwana.

Entandikwa yali nnungi wabula tuba tuwezezza emyezi ena nga twagalana, yatandika okunyaniriza ewuwe gye yali asula, ng’olumu hhendayo ne mulabako.

Lumu nagenda ewuwe ku makya ne simusangawo. Naye olw’okuba nnali mmanyi ekisumuluzo w’akitereka, naggulawo kuba nnali njagala kusiiba wuwe.

Wabula mba nnakamalawo akabanga katono, waliwo omuwala eyajja ng’ayita muganzi wange erinnya olwo kwe kundaba.

Namubuuza kye yali ayagala kwe kuhhamba nga ffembi bwe twagala omulenzi omu naye nkigumire kuba teri musajja w’omu era n’atuula.

Ekyewuunyisa, omuvubuka ono bwe yakomawo n’alaba omuwala omulala n’anneefuulira ng’ambuuza akyandeese ewuwe nga taliiyo bwatyo n’andagire okufuluma ennyumba ye nga tannankola kizibu.

Nakaaba nga bwe nnejjusa ekyanzikirizisa omuvubuka ono olwo ne nzijukira ebigambo bya bazadde bange ne ntambula ne nzira awaka naye nga nfa ennaku.

Okuva olwo abasajja mbatya kyokka ate nga nnina okufumbirwa naye simanyi omutuufu y’ani?

More From The Author

Emboozi z’omuwandiisi endala

Emboozi endala

Luma 220x290

BUKEDDE W’OLWOKUTAANO YAFULUMYE...

Tukulaze engeri gye baakutte ababadde bakuuma Gen. Kayihura ne bye baboogezza.Mulimu ebipya ebikwata ku muserikale...

Unra1 220x290

Kagina atongozza okuzimba oluguudo...

Akulira ekitongole kya UNRA ekivunaanyizibwa ku nguudo mu ggwanga, Allen Kagina atongozza okukola oluguudo Masaka...

Zimu6 220x290

Yeefudde alinnyiddwaako emizimu...

MULEKWA agambibwa okulinnyibwako omuzimu gwa nnyina asattizza Abapoliisi abagenze okukakkanya abooluganda abeesuddemu...

Whatsappimage20180621at30647pm 220x290

Musoosowaze nnyo eby'obulimi n'obulunzi...

MINISITA w'ebyamawulire n'abagenyi e Mmengo, Noah Kiyimba asinzidde Lukaya mu Kalungu n'akunga Obuganda okusosowaza...

Sentebemutabaazingataakakanebasentebebebyaloabalemereddwaokukolanebaddamukugwiranababongezeomusaala 220x290

Bassentebe ba LC 1 e Lwengo balaajanidde...

BASSENTEBE b'ebyalo 454 ebikola disitulikiti y'e Lwengo balaajanidde Pulezidenti Yoweri Kaguta Museveni abongeze...