TOP
  • Home
  • Amawulire
  • Abalokole balidde matereke n'abasamize poliisi n'ebiyingiramu

Abalokole balidde matereke n'abasamize poliisi n'ebiyingiramu

By Vivien Nakitende

Added 16th January 2018

OLUTALO lubaluseewo wakati w’abalokole n’abasamize ku mugga Mayanja e Katale - Bunnamwaya Ngobe, okukkakkana ng’abalokole bagobye abasamize n’okwokya amasabo agabadde mu kifo kino.

Goba1 703x422

Abalokole nga bakuba omusamize olwogoolo

Bino byabaddewo oluvannyuma lw’abantu okumala ebbanga nga beemulugunya ku ngeri abasamize gye babadde beeyisaamu, ng’abamu bagamba nti basobya ku bakazi n’okukwata abawala ekyawalirizza abatuuze nga bali n’abalokole okwekubira enduulu eri poliisi.

Abalokole b’ekkanisa ya Redeemed Life Church e Bunnamwaya nga bakulembeddwaamu omusumba Mark Kiyaga Tendo, baakulembedde abatuuze ne bookya amasabo n’okukoona amayumba agaazimbibwa mu kifo kino nga bagamba nti abasamize basussizza okwenyigira mu bikolobero.

Bagamba nti oluzzi abatuuze kwe baasenanga amazzi ku bwereere abasamize baatandika okugabaguza ng’embeera bw’ekalubye kwe kusalawo okwegatta babagobe.

Akulira poliisi y’e Kajjansi, Hillary Mukiiza yatuuzizza olukiiko mu kifo kino okutabaganya abasamize n’abalokole wamu n’abatuuzeawatali kuyiwa musaayi.

Mu lukiiko, abatuuze beekokkodde abasamize ne bagamba nti, wadde ekifo kino kya buwangwa naye abasamize bakifudde kyakufereramu bantu n’ebikolobero.

Kasalina Bukirwa Muyingo, akuuma ekifo yagambye nti kyali kya buwangwa naye nga ssi kukubawo nkambi na kulagulirawo nga bano bwe baabadde bakola, n’agamba nti ekyo kibadde kimenya mateeka era basaanye baveewo.

Hajji Musa Muyingo, ssentebe w’ekyalo Katale Mayanja yagambye nti, ekifo kino kikolerwamu obufere era abasamize basaana okukivaamu.

Abatuuze bakkaanyizza ne babagoba kyokka Mukiiza n’abasaba okukuuma emirembe n’abasamize okusooka okweyanjula nga tebannaba kusenga mu kifo kyonna.

Omusumba Kiyaga yasabye abantu okudda eri Katonda kibataase okwenyigira mu bikolwa ebya Sitaani.

More From The Author

Emboozi z’omuwandiisi endala

Emboozi endala

Ashburg 220x290

Ashburg Kato ali mu ggiya

Oluvannyuma lw’okusala eddiiro n’ava mu People Power ne yeesonga NRM, Ashburg Kato amanyiddwa okuwandiika amawulire...

Coronavirus2 220x290

Engeri Corona gy’akyusizza enkola...

MU kiseera kino buli muntu amaze okuloza ku bulumi bwa Corona. Ebyenfuna by’amawanga gonna bisannyaladde olwa Corona....

Nonya 220x290

Tunoonya abakyala abalina kebeekoledde...

Nneetaaga omukyala omukkakkamu, alabika bulungi, alina empisa okuva ku myaka 18 ne 28 omwetegefu okwekebeza omusaayi....

Lumba 220x290

Ekisenge ky’ekikomera kigwiiridde...

FFAMIRE ya bantu mwenda yasimattuse okufiira mu nju mwe baabadde beebase ekisenge ky’ekikomera kya kalina ebaliraanye...

Baana1 220x290

Byotalina kusuulirira ku mwana...

Omuzadde buli mutendera omwana gw’atuukako mu kukula kwe olina okwogerako naye.