TOP

Rogers Mulindwa alumbye ab'oludda oluvuganya

By Muwanga Kakooza

Added 18th January 2018

Rogers Mulindwa alumbye ab'oludda oluvuganya

Sed1 703x422

Rogers Mulindwa ng'ayogera

AVUNAANYIZIBWA ku by’amawulire ku kitebe kya NRM Rogers Mulindwa avuluze ab’oludda oluvuganya gavumenti  nti ‘’bakazannyikirizi’’ abatawa kibiina kino kuvuganya kwa kaasameeme.

Era ategeezezza nti kampeyini ya ‘’Tubalemese’’ eyalangiriddwa Col. Kiiza Besigye ne banne terina ky’egenda kukola ku NRM  n’agamba nti ab’oludda oluvuganya bajja kumaliriza bakoze ndala ya  kwegatta ku NRM ng’okuvuganya kubalemye gye yayise ‘’katubeegatteko’’.

Wabula nampala w’ababaka ba DP mu palamenti Joseph Ssewungu (Kalungu West) alabudde Mulindwa akomye okunafuya ab’oludda oluvuganya ng’agamba nti be baatambuliza aba NRM ku bunkenke mu kiseera we babeeredde mu kukyusa Konsityusoni nga batya n’okutuukirira abantu.

Abakulu bombi baabadde bakubaganya birowoozo bya byabufuzi ku leediyo ya FM emu mu Kampala. Mulindwa n’ajjgerega abavuganya gavumenti banafu nnyo era bafuuka bakazanyirizi. ‘’Olaba beesibye obuwero obumyufu. Beesibye ebimyu n’ebirala ebitalina kye bigenda kuyamba’’ bwe yalumirizza.

N’agamba nti NRM ejja kwongera okusokoola ebibiina ebigivuganya ng’ebiggyamu abantu abalimu omulamwa eyongere okusajjalaata.Kyokka ne Ssewungu yagambye nti n’ab’oludda oluvuganya nabo basokoola aba NRM n’agamba nti mu biseera by’okukyusa Konsityusoni abamu (aba NRM) beegasse ku b’ebibiina okukiwakanya.

Kyoka Ssewungu yamugambye nti abasokoolwa mu bibiina ebivuganya ne beegatta ku NRM bonna bafuuka ‘’damegi’’ kuba eryaanyi lye baba nalyo mu ludda oluvuganya ligweerawo ddala.Mulindwa yazzeemu okwegatta ku ba NRM banne okusaba bannaddiini okuggya ebyobufuzi ku bituuti ng’agamba nti ‘’ebyobufuzi  mazina ga nkima’’  tekyetaaaga  mikira gyazo (enkima) gikoone ku maganduula.

More From The Author

Emboozi z’omuwandiisi endala

Emboozi endala

Kab1 220x290

Gavumenti efulumizza ebiragiro...

Gavumenti efulumizza ebiragiro ebipya ng'emizannyo gizzeemu

Kat1 220x290

‘Teri kukyusa’

‘Teri kukyusa’

Tip1 220x290

Admin FC eyagala Big League

Admin FC eyagala Big League

Byekwaso 220x290

Byekwaso w'emifumbi ateekateeka...

KAFULU wa Uganda mu muzannyo gw’okusiba emifumbi ali mu keetalo nga yeetegekera okugattibwa mu bufumbo obutukuvu...

Tip1 220x290

Omusajja anzigyako abaana

Omusajja anzigyako abaana