TOP
  • Home
  • Amawulire
  • Gen. Mugisha Muntu avuddemu omwasi: 'Nnnyinza okwabuulira FDC'

Gen. Mugisha Muntu avuddemu omwasi: 'Nnnyinza okwabuulira FDC'

By Muwanga Kakooza

Added 20th January 2018

GEN. Girigooli Mugisha Muntu agambye nti ayinza okwabulira FDC singa anaalemwa okukwatagana nabo ku butategeeragana obugenda maaso mu kibiina kino.

Mugisha20 703x422

Mugisha Muntu (kkono) ng’ayogera gye buvuddeko. Ku ddyo ye mwogezi wa FDC Ibrahim Ssemujju Nganda era omubaka wa Kira munisipaali.

Kyokka yagambye nti kikafuuwe okuddayo mu NRM gye yava  kuba ‘’Pulezidenti Museveni  yava dda ku mulamwa’’ ng’ate ekibiina ky’akulembera kiri ku ndiri kyolekedde okufa.

Yabadde ayogera ku leediyo ya FM emu mu Kampala n’agamba nti ali mu kutalaaga ggwanga ng’asisinkana aba FDC n’abantu abalala okusalawo ekiddako.

Mugisha Muntu yali muduumizi wa ggye lya UPDF n’avaayo ne yesogga FDC n’afuuka pulezidenti w’ekibiina kino okumala emyaka etaano gy’ayogerako olunnye nti tegimubeeredde myangu olw’okugugulana okubadde munda mu kibiina.

Kyokka yagambye nti ekyamutuuseeko w’abeeredde pulezidenti w’ekibiina tayagala kituuke ku munne Patrick Amuriat eyamuddidde mu bigere n’asuubiza okwogeraganyanga naye ku nsonga zino.

Amuriat  akkiririza mu kuguguba omuli n’okwekalakaasa nga balwanyisa gavumenti ya Pulezidenti  Museveni agamba nti ‘’tosobola kuweeweeta nnakyemalira n’omuggya mu buyinza’’ kyokka Mugisha Muntu  agamba nti kyetaagisa kuzimba kibiina kino okuva  ku byalo kiryoke kifune embavu okutwala obuyinza kyokka banne tebamuwuliriza.

Wabula Mugisha Muntu yagambye nti obwongo bwe bukyali buggule ng’agenda maaso n’enkung’aana z’okwebuuza ku bantu asalewo ekisembayo awatali kupapirira.

Abamu ku bantu okwabadde n’abakubi b’amasimu baamugambye atandike ekibiina ekikye kye yagambye nti akirowoozaako singa ebya FDC binaagaana.

Yagambye nti abamu ku bamuwagira mu FDC bagamba ekibiina akiveemu, abalala baagala asigalemu.

Kyokka yagambye nti entebe y’Obwapulezidenti agyagala era Katonda bw’amuwa omukisa ajja kwesimbawo omulundi oguddako.

Omutandisi w’ekibiina kino Col. Kiiza Besigye ng’ayogera gye buvuddeko yeegaana eby’okuyeekera Mugisha Muntu ng’amulemesa okudda ku bwapulezidenti bw’ekibiina.

More From The Author

Emboozi z’omuwandiisi endala

Emboozi endala

Katikkiromayigangaalinaboogezibokumikoloabeetabyekumukologwoluwalokubulanekulwokubiri002webusenu 220x290

Katikkiro Mayiga abakubirizza okunnyikiza...

Katikkiro wa Buganda, Charles Peter Mayiga akubirizza Ab'e Buluuli ne Ssese okunnyikiza obulimi kubanga teri mulimu...

Manya 220x290

Abakazi abasinga tebamalaamu kagoba...

Abakazi emirundi 6 ku 10 gye beegatta mu kaboozi tebatuuka ku ntikko. Wabula babuulire kwekoza nga abamazeemu akagoba....

Saalwa703422 220x290

Teddy ayanukudde Bugingo ku bya...

TEDDY Naluswa Bugingo ayanukudde bba Paasita Aloysius Bugingo ku kya ffiizi z’abaana ne ssente.

Florencekiberunabalongowebuse 220x290

Alina olubuto lw'abalongo ne by'olina...

Abasawo balaze abalina olubuto olulimu omwana asukka mu omu bye balina okukola obutabafiirwa nga tebannazaalibwa...

Research1 220x290

Ebizibu ebibeera mu kutambuliza...

ABATANDIKA omukwano ekimu ku birina okwewalibwa ku kugutambuliza mu kweteeka mu butaala ate nga si bwoli.