TOP

Eyammenya omutima antuusizza ku ssanyu

By Musasi wa Bukedde

Added 22nd January 2018

OMUVUBUKA gwe nawa omutima gwange nagugalabanja yannyamba okufuna essanyu. Nze Jane Namusu 21, mbeera Wakiso nga nkola mu dduuka. Nafuna omulenzi n’ankwana ne tusiimagana.

Wamba 703x422

Twateesa okwagalana nga tewali kwerekerayo nga ndowooza nti tuli ku mulwamwa gwe gumu.

Twasooka kubeera ba mukwano era nga tukwatagana bulungi, wabula nga wayise emyezi mukaaga mu 2016, yatandika okukyuka ng’essimu gy’abadde akuba emirundi esatu olunaku nga kati agikuba lumu n’obutakubira ddala.

Tugenda okutuuka mu December nga omukwano gukendedde kyokka nga ye muntu yekka gwe nnali nsibiddeko olukoba.

Kino kyanneeraliikiriza ne mbulwa emirembe kuba nnali mmwagala okukamala naye nga mikwano gyange giwoza kimu nti omulenzi y’ankyawa. Nasigala mmukubira essimu era ng’azikwata naye nga bwe musaba tusisinkane twogeremu ng’abaagalana ng’agamba nti ali bbize.

Ssekukkulu bwe yatuuka ne mukubira essimu nga njagala tugirye ffembi, lwe yantegeeza nti, “Genda ewammwe kuba nange nnina gwe ηηenda okugirya naye, ebyange naawe byaggwaawo dda.” Nawulira nga nzigwerera era Ssekukkulu y’omwaka ogwo nagiyitamu nga ndi mu maziga era ne mpulira nga buli kitonde kisajja nkikooye.

Bankwananga nga mbakongooza bigere naye mu bankwana mwe mwali ne mwana mulenzi ono.

Ono namugambanga wabula nannemerako okutuusa nange bwe natandika okumulowoozaako olwo ne tutandika okuwuliziganya. Twateesa okusisinkana n’ambuulira ensonga ze nange ne mmugamba ezange naye ng’omutima gwange gwali gumusiimye. Ate nga naye anjagala.

Yatuuka n’okuntwala ewaabwe n’andaga ne maama we era wano we nakakasiriza nti ddala anjagala nange ne nsumulula omutima gwange. N’okutuusa kati omukwano gwaffe tegusalikangako.

Nneebaza Katonda eyanzigyako oli n’andaga ono kuba bingi bye ndabye nga ndi n’ono bye sandifunye nga ndi n’oli eyankaabya.

Yansangula amaziga ge nalina era mmusuubiza okumufumbirwa n’okumuzaalira abaana nandiki abalongo olwo omukwano gweyongere okunyuma.

More From The Author

Emboozi z’omuwandiisi endala

Emboozi endala

Youcandresslikethisandstilllookcorporatenewwebuse 220x290

Engoye z'oyambala ku woofiisi ng'osobola...

Engeri gy'oyambala Hijaabu n'onyuma ku woofiisi ate n'osobola okusaala

Ensujjuwebuse 220x290

Abasajja muve ku biragalalagala...

Abanoonya amaanyi g'ekisajja mwettanire ebiro n'essunsa musigale nga muli balamu ate nga musaza kimu

Ababaka baweze okusimbira etteeka...

ABABAKA ba Palamenti abava mu Buganda bawadde Katikkiro Charles Peter Mayiga obweyamo nti ba kuyimirira n’abalimi...

Kkooti1 220x290

Ogw’ettemu ly’e Seguku gulindiridde...

OMUSANGO gwa Abdul Mukiibi agambibwa okutta Frank Katumba e Seguku ng’amutebereza okwagala mukazi we, Aisha Mubiru...

Kigandaweb 220x290

Omusumba Kiganda avuddeyo ku bya...

OMUSUMBA David Kiganda owa Christian Focus Centre anenyezza gavumenti okusirika obusirisi netebaako ky’ekola ku...