TOP
  • Home
  • Amawulire
  • Msgr. Katende avumiridde abakolera hanemmuunu ku bbiici

Msgr. Katende avumiridde abakolera hanemmuunu ku bbiici

By Musasi wa Bukedde

Added 23rd January 2018

OMWOGEZI w’essaza ekkulu erya Kampala Msgr. John Wynand Katende awadde abafumbo abamaze okugattibwa amagezi obutakolera hanemmuunu ku biici okwewala ebikemo ebiyinza okutaataganya omukwano gwabwe.

Bagole 703x422

Msgr. Katende ng'akwasa abagole ekirabo kya Bayibuli oluvannyuma lw'okubagatta. EKIF: LAWRENCE KIZITO

Bya Lawrence Kizito

OMWOGEZI w’essaza ekkulu erya Kampala Msgr. John Wynand Katende awadde abafumbo abamaze okugattibwa amagezi obutakolera hanemmuunu ku biici okwewala ebikemo ebiyinza okutaataganya omukwano gwabwe.

Bino Msgr. Katende okubyogera yabadde mu kuyigiriza mu mmisa mwe yagattidde abagole; Martin Muddu n’Omumbejja Jascent Nassuuna muwala w’Omulangira Joseph Ndawula, eyabadde ku luttikko e Lubaga ku Ssande nga 20th/01/2018.

Yategeezezza nti ku bbiici wabeerayo abakazi abambadde mu ngeri eyeesittaza nga kino kiyinza okuleetera omugole omusajja okuva ku mwagalwa we ebirowoozo n’abizza ku bawala, ekintu ekiyinza okutabula obufumbo.

Katende yavumiridde n’ekya Gavumenti okuleeta ebbago lya ‘marriage and divorce bill’ lye yayogeddeko nga erigendereddwaamu okutta ekkula ery’obufumbo obutukuvu.

Yagambye nti eky’okwawukana mu bufumbo tekisaana na kuteesaako kubanga Bayibuli egamba nti Katonda ky'agasse teri tewaba omuntu yenna akigattulula.

Yayongeddeko nti obufumbo okusattulukuka kye kiviiriddeko okufuna abaana abatalambikiddwa bulungi nga kino kiteeka ebiseera by’eggwanga ne Ekleziya eby'omu maaso mu matigga.

Katende yasabye abaagattiddwa okufuba okulaba nga bakuliza abaana baabwe mu Katonda n'eddiini basobole okubeera abatuuze ab’omugaso mu ggwanga.

More From The Author

Emboozi z’omuwandiisi endala

Emboozi endala

Hit2 220x290

Maama tonzita ebbinika nagiryamu...

Maama tonzita ebbinika nagiryamu ekikomando

Enseenene: Omugano gwa November...

AKEETALO akali mu Kampala n’emiraano kati ka nsenene. Enseenene kye kimu ku by’okulya ebisinga okuwoomera Bannayuganda...

Mbarakuzi 220x290

'Abeenyigira mu ttemu mwekube mu...

Yagambye nti abeenyigira mu kutta abalala bakimanye nti Katonda ajja kubasasula nga bwe yakola ku Kaine eyatta...

Nana 220x290

Xhaka yeenyiyiddwa Arsenal: Agenda...

GRANIT Xhaka, eyaggyiddwaako obwakapiteeni bwa Arsenal olw’okuwemula abawagizi ayolekedde AC Milan eya Yitale....

Kinnyaweb 220x290

Ekinnya ku ppaaka ya USAFI kitabudde...

Ekinnya kigambibwa nti kyavudde ku bigoma ebitambuza amazzi ebyassibwa mu kifo kino okubomoka. Okuva ekinnya kino...