TOP

Okusunsula aba S1 kutandise leero

By Musasi wa Bukedde

Added 24th January 2018

OKUSUNSULAMU abayizi abagenda mu S1 kutandise olwaleero mu bbugumu ng’abakulira amasomero beesooka abayizi abaasinze okuyitira waggulu.

Select 703x422

Abakulu b'amasomero nga basunsula abayizi bebanatwala

Bya AHMED MUKIIBI
OKUSUNSULAMU abayizi abagenda mu S1 kutandise olwaleero mu bbugumu ng’abakulira amasomero beesooka abayizi abaasinze okuyitira waggulu.

Abakulu b’amasomero agasoba mu 3,000 bakuhhaanidde mu kizimbe ekya Uganda Manufacturers Association (UMA) Hall e Lugogo, ng’amasomero ag’amaanyi n’ettuttumu galina enkizo okutwala abayizi abaasinze okuyita PLE owa 2017.

Ku bayizi 571,252 abaayise ebya PLE, abayizi 57,198 baayitidde mu guleedi esooka nga bano baafunye obubonero obuli wakati wa 4 ne 12 era amasomero aga siniya ag’amaanyi gagenda kubalwanira okubawa ebifo mu S1.

Abayizi abaayitidde mu guleedi eyookubiri, bali 293,977 nga bano baafunye obubonero obuli wakati wa 13 ne 23 kyokka bano emikisa gyabwe mitono okufuna ebifo mu masomero aga siniya ag’amaanyi.

Okuvuganya kusuubirwa okubeera okw’amaanyi ne ku mulundi guno ng’amasomero ag’ettuttumu galinnyisa obubonero kwe gatwalira abayizi nga bwe gubadde emyaka egiyise.


Ng’emyaka egiyise bwe gibadde, essomero lya King’s College Buddo, lisuubirwa okuwanika obubonero kwe liyingiriza abayizi nga lya kusalira ku bubonero buna eri abalenzi ate ku bawala obubonero butaano.

Amasomero ag’amaanyi nga; Gayaza High School, Nabisunsa Girls, Namilyango College, Mt St Mary’s Namagunga, gasuubirwa okutwala abayizi ab’obubonero buna n’obutaano ate Kibuli SS, Kawempe Muslim, Trinity College Nabbingo, Ntare School, Ndejje SS, St. Henrys Kitovu, gasuubirwa okukoma ku bubonero mukaaga.

Abayizi abaayitidde mu guleedi eyookubiri, eyokusatu n’eyokuna abanaaba batatwaliddwa masomero ag’obwannannyini n’agayambibwako Gavumenti, balina omukisa okufuna ebifo mu masomero ga Gavumenti agali mu pulogulaamu eya USE, Gavumenti mw’eyita okuweerera abaana aba siniya ku bwereere.

Okusunsulamu abayizi kukomekkerezebwa enkya ku Lwokuna era abayizi abagenda mu S1 basuubirwa okutandika olusoma olusooka mu wiiki eyookubiri eya February 2018.

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam