TOP

Obubonero bwa S1 amasomero gabukuumidde waggulu

By Ahmed Mukiibi

Added 25th January 2018

Nabisunsa Girls, Kibuli SS, Kawempe Muslim, Trinity College Nabbingo, Ndejje SS, St. Henrys Kitovu, Turkish Light Academy, Seeta High School (Seeta) n’amalala gaatutte abayizi abatasussa buboneero mukaaga.

Gayazahigh 703x422

Bya AHMED MUKIIBI
 
AMASOMERO ag’amaanyi mu ggwanga gakuumidde waggulu obubonero kwe gatwalidde abayizi mu S.1 okufaananako nga bwe kyali omwaka oguwedde.
 
Bino byabadde mu kusunsulamu kw’abayizi abagenda mu S1 okwatandise n'ebbugumu eggulo ku Lwokusatu nga kukomekkerezebwa olwaleero.
 
Minisita omubeezi ow’Ebyenjigiriza avunaanyizibwa ku masomero aga pulayimale, Rosemary Sseninde ye yagguddewo okusunsula ku mukolo ogwetabiddwako ne Minisita oMubeezi ow’ebyenjigiriza ebyawaggulu Dr. JC Muyingo n’abakungu ba Minisitule ey’Ebyenjigiriza.
 
Abakulu b’amasomero agasoba mu 3,000 be beetabye mu kusunsulamu kuno okwabadde mu UMA hall e Lugogo, ng’abakulu b’amasomero ag’amaanyi n’ettutumu be baasoose okulangirira obubonero obwessalira kwe batwalidde abayizi mu S1.
 
Minisita Sseninde bwe yabadde aggulawo okusunsulamu yasoose kulabula abakulira amasomero ku ky’okulinnyisa n’okupaaluusa ebisale naddala eby’abayizi abagenda mu S1 n’abajjukiza ekiragiro Gavumenti kye yabawa ku kwongeza ebisale, okuggyako nga basoose okutegeeza ku Minisitule.
 
Sseninde yagambye nti Gavumenti tejja kukigumiikiriza ng’abakulira amasomero banyigiriza n’okunyunyunta abazadde n’alabula ab’amasomero abanaaziimuula ekiragiro kya Gavumenti nti bajja kukangavvulwa.
 
Minisita Dr. JC Muyingo yalabudde ab’amasomero okukomya enkola ey’okutunda ebifo n’abasaba okunywerera ku bubonero nga bwe babusazzeewo mu kunsunsulamu bakomye enkola ey’okutunda ebifo n'oluusi ne ku bayizi ababa batuusizza obuboneero obw’essalira.
 
Abayizi 57,198 baayitidde mu daala erisooka nga bano be baafunye obubonero obuli wakati wa 4 ne 12 mu bigezo bya P7 ebyafulumiziddwa nga January 12, 2018, era be baasoose okufuna ebifo ku lunaku olw’okusunsula era abasinga obungi amasomero amanene gaabawadde ebifo .
 
Ng’emyaka egiyise bwe gibadde, amasomero ag’amaanyi okuli; King’s College Buddo, Gayaza High School, St. Marys Kitende, Uganda Martrys Namugongo, Mt St Mary’s Namagunga, Namilyango ne Ntare School (Mbarara) gaatutte abayizi ba bubonero 4 ne 5 bokka.
 
Nabisunsa Girls, Kibuli SS, Kawempe Muslim, Trinity College Nabbingo, Ndejje SS, St. Henrys Kitovu, Turkish Light Academy, Seeta High School (Seeta) n’amalala gaatutte abayizi abatasussa buboneero mukaaga.
 
AGAMU KU MASOMERO N’OBUBONERO KWE GASALIDDE OKUYINGIZA ABA S1
- King's College Buddo abalenzi obuboneero 5 ate abawala 6.
- St Mary's Kitende abalenzi 4 ate abawala 5.
- Mt St Mary's Namagunga 5
- Uganda Martrys Namugongo abawala 5 ate abalenzi 4
- Gayaza High School 5
- Namilyango 5
- Ntare School 5
- St Henry's College Kitovu 6
- Trinity Col Nabbingo 6
- Nabisunsa Girls 6.
- Seeta High School abawala 5 ate abalenzi 6.
- Kawempe Muslim abalenzi 6 ate abawala 6.
- Immaculate Hearts 7.
- St Charles Lwanga SS 7.
- Ndejje SS abwala 7 ate abalenzi abajja kutwala 6.
- Turkish Light Academy abawala baja kutwala 6 ate balenzi 6.
- Gombe SS abawala 6 ate abalenzi ba buboneero 7.
- Kibuli abawala bajja kutwala ba bubonero 7 ate abalenzi 6.
- Mengo SS abawala bajja kutwala ba bubonero 7 ate abalenzi 7.
- St Peter's Nsambya abawala 8 ate abalenzi 9.
- Seroma Christian High Sch abawala 7 ate abalenzi 8.
- Tororo Girls 8.
-St Kagwa HS 8
-Muntuyera H S 8,
-Kyambogo SS abawala 9, abalenzi 10.

More From The Author

Emboozi z’omuwandiisi endala

Emboozi endala

Dav1 220x290

Mukyala w'omuyimbi Davido akwatiddwa...

Mukyala w'omuyimbi Davido akwatiddwa ekirwadde kya Coronavirus

Thequeeneliabethiienglandcrowntodaynewslatestroyalfamily1180775 220x290

Kkwiini akkakkanyizza emitima gy'abantu...

Kkwiini akkakkanyizza emitima gy'abantu

Uhurukenyatta 220x290

Coronavirus: Kenyatta asaze omusolo...

Pulezidenti wa Kenya, Uhuru Kenyatta alangiridde nga bw’asaze emisolo mu kaweefube w’okuyamba Bannakenya mu mbeera...

1175942533jpg0 220x290

Coronavirus: Amerika ewadde bannansi...

AMERIKA ewadde bannansi baayo bamufunampola buli omu ddoola 1,200/-, ze ssente eza Uganda obukadde 4 n’ekitundu...

602220b1a08a4c78a2261ab1119a500a18 220x290

Paapa awadde ensi yonna essuubi...

PAAPA Francis awadde abantu obubaka mu nsi yonna wakati mu kulwanyisa ssennyiga omukambwe (coronavirus) n’alangirira...