TOP

Abbye mutoowe namugabira omusajja

By Henry Kasomoko Henry Kasomoko

Added 7th February 2018

Zam Nambi 21, yakwatiddwa poliisi ya Kira Road oluvannyuma lw’okudduka n’omwana wa Shafinah Nakaayi omutuuze w’e Natteta Nazigo ekisangibwa e Kayunga n’amutwala e Bukoto mu Munisipaali y’e Nakawa.

Nakaayi1 703x422

Nakaayi n’omwana we gwe babbye.

Bya HENRY KASOMOKO

OMUKAZI abbye omwana wa munne owa wiiki essatu okuva e Kayunga n’amuleeta e Kampala okumugabira muganzi we gw’amaze ebbanga ng’amusuubiza omwana.

Zam Nambi 21, yakwatiddwa poliisi ya Kira Road oluvannyuma lw’okudduka n’omwana wa Shafinah Nakaayi omutuuze w’e Natteta Nazigo ekisangibwa e Kayunga n’amutwala e Bukoto mu Munisipaali y’e Nakawa.

Oluvannyuma lw’omwana ono okubbibwa ku ssaawa 11:00 ez’olweggulo maama we Nakaayi yasoose kulowooza nti waliwo eyamututte ng’akaaba era agenda kumuzza.

Abaana abaabadde bazannyira awaka baamutegeezezza nti, Nambi yamututte n’ensawo.

Nakaayi yategeezezza nti, mu kiseera omwana we yabulidde yabadde anaaba.
“Saasoose kutya kubanga Nambi mwana wa baze omukulu nga ndowooza amutambuzzaamu bagenda kukomawo.

Oluvannyuma nategeezezza balamu bange ne tutandika okunoonya Nambi mu bitundu byonna gye twabadde tumusuubira okubeeramu, n’abula”, Nakaayi bwe yategeezezza.

Yagasseeko nti baagenze ku poliisi e Nazigo ne baggulawo omusango ku fayiro SD:REF: 21/27/01/2018.

Yategeezezza nti waliwo mukwano gwa Nambi eyabatuukiridde n’abawa essimu gye baakubyeko nnannyini yo n’abagamba nti, yaliko muganzi wa Nambi ne baawukana n’abagamba nti, Naye Nambi ayinza okuba ng’ali Bukoto.

Poliisi y’e Nazigo yakolaganye n’eya Kira Road mu Kampala n’ezuula akazigo ka Robert Mande 22, ng’ono gwe yabadde agabidde omwana.

Oluvannyuma lw’okukwata Nambi ne muganzi we baabatutte ku poliisi e Kira Road gye baasuze ne babongerayo ku poliisi y’e Nazigo.

Nambi yagambye nti, yabadde aliko muganda we gwe yabadde atwalidde bbebi amulabeko amuzze awaka.

Bwe yabuuziddwa ky’abadde amuliisa yagambye nti abadde amunywesa mazzi omuli ‘gulukosi’.

Mande muganzi wa Nambi yategeezezza nti Nambi bwe yasembayo okumulaba ku Lwomukaaga n’amutegeeza nga bwe yali asemberedde ebbanga ly’okuzaala.

Yagasseeko nti mu kiro ekikeesa Ssande, Nambi yamukubira essimu nga bwe yali ku muzigo gwe e Bukoto nti era yali azadde.

Akulira poliisi ya Kira Road Peace Nansaba yakubirizza abawala okukendeeza emivuyo gye bakolera mu basajja.

More From The Author

Emboozi z’omuwandiisi endala

Emboozi endala

Genda 220x290

Kind Micheal ne Big Eye bagudde...

King Micheal ne Big Eye bagudde mu bintu. Pulezidenti Museveni abawadde buli omu ente 30.

Visionagmndijjo2 220x290

Abalina emigabo mu kkampuni ya...

Abalina emigabo mu kkampuni ya Vision Group basiimye enkulaakulana etuukiddwaako omwaka guno.

Muteesa14 220x290

Mutesa yaggulawo enkolagana ya...

Okufuuka Pulezidenti, Ssekabaka Mutesa yalondebwa Palamenti, n’amyukibwa Sir. William Wilberforce Nadiope Kajumbula...

Tracitajpgweb 220x290

Gavumenti ewadde ab'e Kyotera ttulakita...

GAVUMENTI ng'eyita mu minisitule y'ebyobulimi n'obulunzi n'ekitongole kyayo ekya NAADS ewadde abalimi ab'enjawulo...

Gira 220x290

Ssentebe bamukutte lubona ng'asinda...

Ssentebe wa LCI akwatidwa lubona ng'anyumya akaboozi k'ekikulu ne muk'omutuuze.