TOP

Omulangira Joel Kateregga aziikibwa leero

By Musasi wa Bukedde

Added 16th February 2018

Omulangira Joel Kateregga aziikibwa leero

Ki1 703x422

Joe Kateregga agenda okuziikibwa leero

OMULANGIRA Joel Kateregga ng’ono yeyakuba Pulani y’ebizimbe by’Obwakabaka okuli  Muganzirwazza ne  Bulange Plaza oluvanyuma ekyatuumibwa Masengere aziikibwa leero ku kiggya ky’Abalangira e  Nambeeta-Buttakesu mu Busiro.
 
Ono yavudde mu bulamu bw’ensi ku Lwokusatu February 14,2018 mu International Hospital Kampala e Namuwongo mu Kampala oluvannyuma lw'okumala ebbanga nga mukosefu.
 
Kateregga abadde mmemba ku lukiiko olufuga Buganda Land Board era akulira emirimu mu kitongole kino, David Kyewalabye Male yategezezza nti omugenzi abasadde nnyo kubanga abadde n’obukugu obutasangika.
 
“Arch. Kateregga yakulemberamu ekiteeso mu bboodi okutandikawo ekiwayi ekiteekerateekera ettaka mu Buganda  Land Board (Physical Planning Unit) era abadde ku kakiiko ka bboodi akateekerateekera ettaka n’okugaba liizi.
 
Omulangira muwi w’amagezi eri ekiwayi ekiteekerateekera ettaka mu kitongole kino,” Obubaka bwa BLB obwogera ku mugezi bwe busoma.
 
Omukolo BLB kweyagabira ebyapa nga December 7,2017 yaguliko era kwoolwo naye yakwasibwa ekyapa ku limu ku ttaka lye kyokka okuva mu bbanga eryo yayongera okunafuwa.
 
Abadde ku nkiiko eziwerako ez’ebitongole era mmemba mu kibiina ekigatta abakubi ba Pulani abakugu ng’omwaka oguwedde banne bamuwa ekirabo ng’omukubi wa Pulani asinga.
 
Wafiridde nga y’omu ku bakubi ba Pulani mu Pulojekiti y’amayumba ey’e Nakawa- Naggulu era akubye Pulani z’ebizimbe nnyingi.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...