TOP
  • Home
  • Amawulire
  • Museveni afunye lipooti y'akakiiko k'omulamuzi Bamugemereire ku mivuyo gy'ettaka.

Museveni afunye lipooti y'akakiiko k'omulamuzi Bamugemereire ku mivuyo gy'ettaka.

By Muwanga Kakooza

Added 16th February 2018

Museveni afunye lipooti y'akakiiko k'omulamuzi Bamugemereire ku mivuyo gy'ettaka.

Jib1 703x422

Bamugemereire ng'akwasa Pulezidenti lipoota y'emivuyo gy'ettaka ekoleddwa okumala emyezi musanvu

PULEZIDENTI Museveni afunye lipooti ey’ekiseera ekwata ku byakazuulwa  akakiiko k’omulamuzi Catherine Bamugemereire akali mu kubuuliriza ku mivuyo gy’ettaka mu ggwanga.

Ssentebe w’akakiiko kano  Justice Catherine Bamugemereire, y'amukwasizza lipooti eno ng’amusisinkanye ku ffaamu ye e Kawumu mu disitulikiti y’e Luwero. Lipooti ennyonnyola ebyakazuulibwa akakiiko kano mu myezi omusanvu gye kaakamala nga kakkalabya emirimu.

Akakiiko kassibwawo mu 2016 okunoonyereza ku muze gw’okugobaganya abantu ku ttaka  okwali kuyitiridde .Era kasabwa okutunuulira oba amatteeka gaali gakola bulungi ku nsonga z’ettaka wamu n’okulaba engeri abantu gye bafunamu ettaka n’engeri y’okulifunirako ebyapa.

 Bamugamereire agamba nti abantu bajjumbidde nnyo okujja mu kakiiko kano era kafunye okwemulugunya kwa mirundi  4,900 ne kawuliriza okwemulugunya kw’abantu 287 wamu n’okwenneenya okwemulugunya kw’abantu nga 600.

Ategeezezza nti kino kiraga nti ensonga z’ettaka nkulu nnyo eri eggwanga kuba zeekuusa ku by’obulimi eggwanga kwe liyimiridde.

Akakiiko kagamba nti wasaanye okussibwawo ekitongole ekivunaanyizibwa ku nsonga z’ettaKa ekya ‘’Land Authority and Conservation Agency’’. Era lipooti eyagala ebitongole bya gavumenti biyambe ku kakiiko okussa mu nkola bye baakazuula.

Pulezidenti Museveni yebazizza akakiiko olw’omulimu gwe kakola. N’agamba nti ettaka kati ligenda kuyamba mu kulaakulanya obulungi ensi n’agamba nti okuva mu 1924 tewabanhawo kakiiko ku bya ttaka  n’agamba nti kano kalina obuyinza era  gwe kazuula n’ebicupuli kasobola okumusima emyaka musanvu. 

Pulezidenti yagambye nti agenda kuwa akakiiko abapoliisi abakulu ne bannamatteeka okwongera okukayamba okukola emirimu gyako. N’agamba nti gavumenti ejja kukubaganya ebirowoozo ku nsonga zino lipooti enzijjuvu bwenaaletebwa mu May w’omwaka guno.

Abali ku kakiiko kuliko; Mary Odupa Ochan,  Robert Ssebunya, Muky. Joyce Habasa, Dr. Rose Nakayi,  eyali omumyuka wa ssabawolereza wa gavumenti  Fred Ruhindi, Mw. George Bagonza Tinkamanyire, Muky.. Olive Kazzarwe Mukwaya, Mw. Elbert Byenkya, Dr. Douglas Singiza ne Mw. John Bosco Rujagaata.    

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...