TOP

Abraham Luzzi awangudde omusango gwa zaabu e Dubai

By Martin Ndijjo

Added 24th February 2018

Omugagga Abraham Luzzi amanyiddwa nga Mr. Economy agudde mu bintu, bw’awangudde omusango gwa zaabu ogwamuggulwako e Dubai kati ayagala kumuliyirira buwumbi

Eco1 703x422

Abraham Luzzi eyakadda okuva e Dubai

Bya Musasi wa Bukedde.

Omugagga Abraham Luzzi agudde mu bintu, bw’awangudde omusango gwa zaabu e Dubai  kati ayagala kumuliyirira buwumbi.

Luzzi amanyiddwa nga Mr. Economy owa African Business Council ne Ssebo International Group asambira mabega nga jjanzi oluvannyuma lwa  kkooti e Dubai okumwejjeereza omusango gw’okukukusa zaabu ogwali gumugguddwaako ku fayiro nnamba 17208/7.

Ono amaze ebbanga nga tali mu ggwanga kyokka twamuguddeko ku ofiisi ze e Kabalagala  n’ategeeza nti abadde Dubai ng’amaliriza nsonga za musango guno.

 braham uzzi mu nnyonyi e ubai Abraham Luzzi mu nnyonyi e Dubai

“Allah wa maanyi  omusango naguwangudde era ndi musanyufu  kkooti yalagidde banzirize emmaali yange (zzaabu taani 1.5),  akawunti yange ey’e Dubai eyali eteereddwaako envumbo nga kuliko  ssente z’e Dubai obukadde 15 balagidde eggyibweko ssaako ebbaluwa (layisinsi) ezinzikiriza okusuubula zaabu n’ebyobugagga by’omu ttaka ebirala okumala emyaka 6.”

Bamusibira mu kkomera lye limu omuli Mbuga.

Luzzi agamba baamusiba January 15, 2017 mu kkomera lya Al Awir Central Jail, omugagga SK Mbuga mw’ali kati  era eno yaavayonga July 24 oluvannyuma lwa kkooti okumwejjeereza omusango.

Zaabu nnali mutwala Switzerland ne bamukwatira e Dubai nga bagamba nti waliwo empapula z’omusolo ze saalina.

  buga ku kkono ne braham uzzi gyebuvuddeko nga bali e ubai SK Mbuga (ku kkono) ne Abraham Luzzi gyebuvuddeko nga bali e Dubai

 “Zaabu okusinga tumuggya Congo kyokka okumutambuza osasula emisolo egiweerako era weetaga ebiwandiiko eby’enjawulo okugeza okuva mu UN ne mu kitongole kya Dubai eky’omusolo olumu ekitali kyangu.

“Zaabu ono era anoonyerezebwako nnyo okukakasa nti tewenyigira mu bizinensi eno mu bukyamu, tolina nteekateeka za kuwagira bayeekera naddala e Congo olw’obukuubagano obuliyo”

Nga zaabu wange bamukutte nafuna obuzibu n’Abazungu be nnali mutwalira nga balowooza mbafe-eze kyokka nga waliwo buzibu era ndowooza ne Mbuga ayinza okuba yafuna obuzibu bwe bumu kubanga simumanyi mu bantu ababbi oba abafere oyo Omuzungu amubanja alina kugumamu.

 braham uzzi ngalaga kaddi za airtime gwe yaakozesanga ngali mu kkomera Abraham Luzzi ng'alaga kaddi za 'airtime' gwe yaakozesanga ng'ali mu kkomera

 

Luzzi obwedda ayogera bw’alaga ebimu ku bintu omuli kaddi za ‘airtime’ n’obutabo bwe yava nabyo mu kkomera .

Yagambye nti wadde ekkomera lya Al Awir Central Jail mwe baamusibira lye limu ku gasinga okuba ag’obulabe mu United Arab Emirates kubanga y’eggalirwa abantu ab’omutawaana, kuliko ko ekitundu esibirwa abaloodi Mbuga mw’ali era agamba nti alina essuubi nti agenda kuvaayo nga naye bwe yasobola okuvaayo.

 

More From The Author

Emboozi z’omuwandiisi endala

Emboozi endala

Koma 220x290

BUKEDDE W’OLWOKUTAANO AFULUMYE...

Tukulaze engeri gye baakutte Bobi Wine e Ntebe okumuleeta e Kampala. Eby’afande Kirumira poliisi ebiyingizzaamu...

4218619822279454041062156863652704476987392n 220x290

Abantu beeyiye mu maka ga Bobi...

ABANTU beeyiye mu maka ga Bobi Wine e Magere okumwaniriza.

Kirumiramuhammad 220x290

Amagye gakutte owa Flying Squad...

AMAGYE gakutte omuserikale wa Flying Squad agambibwa okuba mu by’okutemula Afande Muhammad Kirumira.

131736705311775037218421032422864993791094n 220x290

Omusajja gwe baakwatidde ewa Kirumira...

Francis Mayengo omusuubuzi wa sipeeya e Lubowa ku lw’e Ntebe okumpi ne Roofings yakwatiddwa bambega ba poliisi...

Unai 220x290

Emery asonze ku muzannyi gw'agenda...

Banega, muwuwuttanyi era Arsenal yeetaagayo omuzannyi anaaggumiza amakkati.