TOP

Trump afuumidde Minisita w'ensonga z'ebweru

By Musasi wa Bukedde

Added 14th March 2018

PULEZIDENTI wa Amerika Donald Trump afuumudde Minisita ow’ensonga ezeebweru Rex Tillerson abadde yaakava ku bugenyi mu Afrika obwamutuusizza ne ku muliraano e Kenya.

Mediadcbrightspotcdncom 703x422

Minisita Rex Tillerson eyafuumuddwa

Trump yategeezezza bannamawulire eggulo nti, ekimugobezza Tillerson bwe butakakkaanya wakati waabwe ku nsonga nnyingi naddala ku bya North Korea, n’eby’endagaano ya Iran ku bya nukiriya Trump gy’ayagala okuyuzaayuza kyokka nga Tillerson takkiriza.

Amawulire ag’okugoba Tillerson, Trump yasoose kugassa ku mukutu gwe ogwa Twitter n’ategeeza nti, alonze akulira bambega ab’ekitongole ekikettera ebweru wa Amerika ekya CIA, Mike Pompeo okumuddira mu bigere ate Gina Haspel abeere dayirekita wa CIA omupya.

Bombi Pompeo ne Haspel balina kusooka kukakasibwa palamenti ya Amerika eya Senate balyoke batandike emirimu gyabwe mu butongole.

Trump agenze okugoba Tillerson nga yaakamala okulangirira nga bw’ateekateka okusisinkana omukulembeze wa North Korea Kim Jong un mu May omwaka guno era kigambibwa nti, Tillerson teyategedde ku bya Trump okukkiriza okutuula ne Kim Jong un bwe baludde nga baawakanyisiganya ebisongovu n’okuwera okulwanagana.

Tillerson okugobwa ku mulimu gwe yaakamalako omwaka gumu n’omwezi gumu, ayingidde mu byafaayo ng’omu ku baminisita ba Amerika ab’ensonga ezeebweru abatabugumizza kifo ekyo olw’obutakkaanya bw’abadde nabyo ne Trump.

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...