TOP
  • Home
  • Buganda
  • Ebyabadde mu nsisinkano ya Museveni ne Mayiga

Ebyabadde mu nsisinkano ya Museveni ne Mayiga

By Dickson Kulumba

Added 16th March 2018

KU Lwokusatu Pulezidenti Museveni yasisinkanye Katikkiro wa Buganda, Charles Peter Mayiga mu maka g’Obwapulezidenti e Ntebe okwogera ku nsonga y’Ebyaffe, Gavumenti bye yeetema okuddiza Obwakabaka mu ndagaano eyateekebwako omukono Museveni ne Kabaka Mutebi nga August 1, 2013.

Mayiga 703x422

Katikkiro Mayiga ne Pulezidenti Museveni

Oluvannyuma lw’ensisinkano, Museveni yataddewo olukiiko lwa baminisita okwetegereza engeri ebintu bya Buganda ebikyasigaddeyo bwe bigenda okugiweebwa mu bwangu oluvannyuma lw’emyaka okuwera ebiri nga tewali kituukiddwaako.

Olukiiko olwateereddwaawo lukulirwa Ssaabawolereza wa Gavumenti William Byaruhanga, baminisita owebyensimbi Matia Kasaija, ow’ensonga z’omunda Gen. Jeje Odongo, owa Gavumenti ezeebitundu Tom Butime, ow'ettaka n’amayumba Betty Amoding, Col. Charles

Okello Engola minisita omubeezi ow'ebyokwerinda nga bano beetabye mu nsisinkano eno.
Bano baakuddamu okusisinkana n’Olukiiko Kabaka lwe yateekawo okukola ku nsonga z’Ebyaffe olukulirwa omumyuka owookusatu owa Katikkiro Apollo Nelson Makubuya, Ssaabawolereza wa Buganda Daudi Mpanga, Amb. William Matovu nga ye minisita w’enkuluze, n’Omulangira David Wasajja nga March 27, 2018.

Mu kugenda e Ntebe, Mayiga yabadde n’Omulangira Wasajja, Amb.Matovu, minisita w’ettaka e Mmengo Ying. Martin Sseremba Kasekende, Bashir Kizito ne Denis Bugaya abakozi ba Buganda Land Baord ne bongera okutegeeza Gavumenti ku bukulu bw’okukomyawo Ebyaffe ebikyasigadde.

Minisita w’ebyamawulire era Omwogezi w’Obwakabaka, Noah Kiyimba yategeezezza nti, okuva endagaano eno lwe yateekebwako omukono ebyapa 280 bye byakaweebwayo kyokka wakyabulayo ebirala bingi n’okuliwa kw’ettaka okuli Poloti 52 ku Kampala Road awali King Fahad Plaza, Muteesa House mu kibuga London e Bungereza.

“ Ensisinkano tugisuubira okuvaamu ebibala okumalayo ebyo byonna Buganda by'ebanja okuli n’okuliwa emmotoka za Ssekabaka Muteesa II ez’ekika kya Rolls Royce n’endala ezaatwalibwa, okusasula ebbanja ly’okupangisa mu bizimbe by’Obwakabaka. Olukiiko lwa baminisita olwa Pulezidenti lugenda kwongera okwekenneenya Ebyaffe ebikyabulayo,” Kiyimba bwe yategeezezza.

Ensisinkano eno eddiridde ensisinkano eyaliwo wakati wa Katikkiro wa Uganda, Ruhakana Rugunda ne Katikkiro wa Buganda Charles Peter Mayiga nga January 31, 2018.

More From The Author

Emboozi z’omuwandiisi endala

Emboozi endala

Pawa4 220x290

Gav't etongozza enteekateeka ya...

MINISITA w'eby’amasanyalaze n’obugagga bw’omuttaka Eng. Irene Muloni atongoza entekateeka empya gavumenti mwegenda...

Kaweesitdweb 220x290

Abavunaanibwa okutta Kaweesi beeyanjudde...

Nga bakulembeddwa munnamateeka waabwe, Geoffrey Turyamusiima, okuva mu Wameri & Company Advocates beeyanjudde mu...

Katwe3web 220x290

Aba Ghetto beegaanye Butchaman...

Kawooya yagambye nti ku lunaku Museveni lwe yali e Katwe, abavubuka b’omu Ghetto e Katwe tebaayitibwa newankubadde...

Godfreybangirana678381 220x290

Kkooti eragidde ofiisa wa poliisi...

KKOOTI enkulu ewozesa emisango gy’engassi eragidde dayirekita w’ekitongole kya poliisi ekikola ku by’okugula ebikozesebwa...

Abamukubaakwatiddwa3 220x290

Poliisi ekutte 30 mu kikwekweto...

Paul Kibuuka ssentebe wa Kiggundu zooni yategeezezza nti obumenyi bw’amateeka buba ng’obukendeeramu mu kitundu...