TOP

Don Bahat ayogedde ku by’okumusiba e Zambia

By Martin Ndijjo

Added 18th March 2018

Don Bahat ayogedde ku by’okumusiba e Zambia, yeetondedde aba famire n’abawagizi olw’obulumi bwe bayiseemu ebbanga ly’amaze mu busibe agamba kati ali bulungi.

Donbahat 703x422

Don Bahati gyebuvuddeko mu mmotoka

DON Bahati (Bahati Lubega) omu ku bavubuka ‘abasama’ mu kibiina kya Rich Gang abamanyiddwa okulya eswagga n’okuyiwaayiwa ssente buli lwe bayingirawo mu Kampala, oluyimbuddwa ategezezza bwagenda okutandikira we yakoma.

yasoose kwetondera ba famire, ab’emikwano n’abawagizi be olw’obulumi bwe baayiseemu ebbanga ly’amaze mu busibe era agamba kati ali bulungi.

Bahati era awakanyiza eby’okumukwatira mu kibinja kya basawo b’ekinnansi abagambibwa okufeera bannansi ba Zambia.

Mu bubaka bweyatadde ku mukutu gwe ogwa Face Book agamba okumukwata babadde mu lukiiko lwa mbaga, ensonga lwaki babakutte kukuba lukiiko nga tebafunye lukusa kuva mu poliisi.

Aba Millennimu Radio 90.5 FM ogumu ku mikutu gya leediyo mu Zambia be basooka okufulumya amawulire g’okukwatibwa kwa Bahati ku ntandikwa y’omwezi guno (March) nti babakwatidde mu lukiiko lw’abasawo b’ekinnansi.

Bagattako nti okusinzira ku kiwandiiko ekyafulumizibwa Namati Nshinka omwogezi w’ekitongole ekikola ku kuyingira n’okufuluma kw’abantu mu ggwanga lya Zambia (The Department of Immigration) eri bannamawulire,

Bahati yakwatibwa ne Bannayuganda abalala 40 nga bano basangibwa mu loogi emu e Kamwala mu kibuga Lusaka mu lukiiko lw’ekibiina kyabwe nga Bannayuganda abasawo b’ekinnansi abakolera mu Zambia olwali lutegekeddwa okulonda abakulembeze abaggya (association of Ugandan herbalists) era bano bakwatibwa kubanga ekibiina n’olukiiko byali bimenya mateeka.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...