TOP

Moze Radio awangudde engule y'omuwandiisi w'ennyimba asinga

By Martin Ndijjo

Added 18th March 2018

Omugenzi Moze Radio eggulo yawangudde engule y'omuwandiisi w'ennyimba asinga mu ggwanga mu mpaka z’okuyimba eza Hipipo Music Awards 2018

Moz 703x422

Moze Radio

NG'OGGYEKO eddoboozi lye erisonsomola, abawagizi b’ensike y’okuyimba baakusubwa ekitone kya Moze Radio abadde omukugu mu kuwandiika ennyimba.

Omugenzi Moze Radio eggulo yawangudde engule y'omuwandiisi w'ennyimba asinga mu ggwanga mu mpaka z’okuyimba eza  Hipipo Music Awards 2018 ezabadde ku Serena Hotel.

Mu kusoma engule eno, abantu bangi bawuuliddwa nga bagamba nti " kibi! ekitone ekyo tugenda kukisubwa..."

Aba Goodlyfe(Moze ne Weasel) era bawangudde n’engule y’abayimbi abayimbira awamu abasinga okukuba emiziki (Best Duo/Group).  

Abawanguzi abalala kuliko; Sheebah Karungi eyawangudde engule y’omuyimbi w’omwaka n’ey’omuyimbi omukyala asinga ate David Lutalo yawangudde engule y’omuyimbi omusajja asinga.

Fik Fameica eyayimba ‘Byenyenya ne Kutama’ era omu ku bayimbi abasinga okwogerwako ennaku zino yawangudde engule y’omuyimbi omupya asinga ate oluyimba lwe Kutama lwawangudde engule ya ‘Hip-Hop/Rap Song’

Ate oluyimba lwa Rema Namakula  ‘Banyabo’ (Banyabo Concert) mwe yayise okukunga abantu abajjuza ekifo kya Victoria Hall ku Serena mu konsati ye eyabaddewo wiiki ewedde, lwongedde okufuuka ensonga. Eggulo oluyimba luno lwamuwanguzza engule bbiri okuli ey’oluyimba olusinga okuba n’amakulu (Best Social Message (Inspirational ACT) ne ‘Best Afropop Song’.

More From The Author

Emboozi z’omuwandiisi endala

Emboozi endala

Grav 220x290

Mujje mbalage ekitone ly’okuyimba...

Oluvannyuma lw’emyezi ebiri ng’ali mu kutendekebwa okwa kasammeme n'okugoggola eddoboozi, Gravity Omutujju ayise...

Uni 220x290

BUKEDDE W’OLWOKUNA AKULEETEDDE...

Bobi Wine olusimbudde okuva mu Amerika, abawagizi be ne batandikirawo okujeemera poliisi. Amagye gakutte owa Flying...

Banyarwanda2 220x290

Abanyarwanda basabye Kabaka ettaka,...

ABANYARWANDA ababeera mu Uganda basabye Kabaka asiime abawe ettaka Ssekabaka Muteesa II lyeyali abawadde e Kibuye...

Fortunessentamu2 220x290

Abagwira 6 bakuvuganya ne Bannayuganda...

Laawundi y'empaka za ddigi eyoomukaaga ku kalenda ya Uganda yakwetabwaamu abagwira 6.

Courtgavelscales1024683 220x290

Kkooti zonna zaakujjukira Benedicto...

Mu 1972 abajaasi ba Amin baalumba Benedicto Kiwanuka mu ofiisi ye ku Kkooti Enkulu ne bamuwalawala mu kifo ekitaategeerekeka...