TOP
  • Home
  • Amawulire
  • Eyalabikidde mu katambi ng'akuba omwana akwatiddwa

Eyalabikidde mu katambi ng'akuba omwana akwatiddwa

By Musasi wa Bukedde

Added 22nd March 2018

Eyalabikidde mu katambi ng'akuba omwana akwatiddwa

Lop1 703x422

Kimuli ( ku ddyo) ne mutabani we. Ku kkono ye Kaddu jjajja w’omwana

POLIISI ekutte omusajja eyalabikidde mu katambi ku mikutu gya yintaneeti ng’akozesa obukambwe obuyitiridde okukangavvula mutabani we. Daniel Kimuli, makanika wa pikipiki e Kamwokya ku siteegi ya Kasasiro ng’abeera Kyebando - Nsooba ye yakwatiddwa oluvannyuma lw’okulabikira mu katambi ng’akuba mutabani we Jeremiah Makubuya 5, bwe yabadde ayitiddwa ku ssomero okumubonereza.

Kimuli oluvannyuma lw’okukwatibwa poliisi yategeezezza ng’abasomera ku ssomero lya Marto Nursery School e Kamwokya ku Mawanda Road bwe baamukubidde essimu ne bamusaba okugenda ku ssomero gye baamutegeerezza ng’omwana bwe yabadde ababuzeeko era abaserikale be baamuzudde ne bamuzzaayo ku ssomero.

N’agamba nti bwe yabuuzizza omwana ekyamuggye ku ssomero n’amutegeeza nga bwe yabadde agoberera mukulu we ali ku ssomero eririranyeewo.

Kimuli yagambye nti abasomesa baamusabye okukangavvula omwana mu lujjudde nga baagala n’abalala bamulabireko. N’agamba nti yabadde ayagala ku mukuba ku kabina kyokka bwe yalwanye n’amukuba amagulu nga teyategedde baamukutte mu katambi nga yeekanze okukalaba nga kasaasaanye.

Jjajja w’omwana Joseph Kaddu yasabye poliisi okusonyiwa mutabani we n’ategeezza ng’okukuba omwana bw’ataakikoze mu mutima mubi wabula yabadde ayagala kumukangavvula

More From The Author

Emboozi z’omuwandiisi endala

Emboozi endala

Ssaavabazigu1 220x290

Abagambibwa okubba Abachina e Nkoowe...

ABAVUBUKA abagambibwa okubbisa eryanyi nga bakozesa emmundu basimbiddwa mu maaso g’omulamuzi wa kkooti Enkulu etuula...

Sooto2 220x290

Embeera ya Ppaaka Enkadde: Okw'enkuba...

Enkuba bw'etonnya Ppaaka enkadde fuula nga kiraalo kya nte!

Kubbiri6 220x290

Olutalo lwa Ssennyonga ne Kakande...

OMUSUMBA Jackson Ssennyonga aguze ekizimbe okumpi n'ekkanisa ya Nabbi Samuel Kakande ku bbiri e Mulago, embiranye...

Kabz 220x290

Kabushenga asiimye KCCA FC

"Kino kigenda kumpaliriza okulaba emipiira gya KCCA nga ntandiika n'ogwa CAF Confederations Cup.

Kiwa1 220x290

Mukyala w’omugagga Kiwanuka omukulu...

EBYA famire ya Mohan Kiwanuka byongedde okulanda mukyala mukulu bwavuddeyo n’ata akaka ku muggya we gwalumiriza...