TOP
  • Home
  • Amawulire
  • Bakutte omusiguze ababadde mu loogi abalala ne babuna emiwabo

Bakutte omusiguze ababadde mu loogi abalala ne babuna emiwabo

By Musasi wa Bukedde

Added 24th March 2018

OMUKAZI adduse n’awalampa kabangali ya Poliisi ebadde esimbye ku oluguudo ng’ayagala poliisi emutaase ku bba abadde amugoba ng’ayagala okumukuba oluvannyuma lw’okumusanga n’omusajja mu loogi.

Fuka 703x422

Mukoya (mu bimyufu) ng’alumiriza mukazi we (ku bangali) obwenzi.

Poliisi eyanguye okugenda mu loogi, kyokka omusiguze abadde alwana ne nnannyini mukazi bw’alabye Poliisi n’adduka wabula engoye n’essimu n’abireka era poliisi by’esobodde okugenda nabyo.

Nnannyini mukazi, Erickson Mukoya abadde awejjawejja ategeezezza poliisi ng’omusiguze bwamukubye n’amuyuliza n’engoye.

Mu kulwanagana omusiguze agezezzaako okumwettakkuluzaako anunule engoye ze, nnannyini mukazi zaabadde akutte.

Bwe biremye n’adduka ng’ali mu mpale yokka. Olutalo lubadde ku loogi eyakazibwako erya Kakajjo ng’eno Mukoya, omutuuze w’e Kikawuula gye yasangirizza mukyalawe Safiina Nannyanzi n’omusiguze nga bagudde eri ekikoowukoowu.

Mukaya mu bukambwe obungi yategeezezza Poliisi nti amaze ekiseera ng’afuna olugambo nti mukyala we alina omusajja ava ku kyalo Kikambwe-Kakubansiri amutwala nga taliiwo, era naye n’alinda lwalimukwata lubona.

Ayongeddeko nti abadde ku mulimu mbega we n’amutegeeza nga bwamaze okubalinnya akagere era nti bayingidde mu loogi naye kwe kujja. Asanze bawujjadde ng’omukyala ali ku bbiya.

Omukyala yasoose kwekaza, wabula bwalabye bba ataamye kwe kudduka nga bwakuba enduulu abantu bamutaase, wabula abalala ababadde mu loogi eno nabo baddusse buddussi.

Mukoya agambye nti alabye mukyalawe ng’adduka ye n’asigaza omusiguze kyokka oluvannyuma amwesimattuddeko ng’amukubye ebikonde n’adduka nga poliisi etuuse.

Mukaya asigazza engoye okubadde vesiti,omujoozi ogwa bbululu wamu n’essimu ey’omungalo Nanyanzi abadde ku kabangali ya Poliisi nga yeebisse ku maaso ng’eno abantu ababadde bakung’anye bwe bamwogerera amafukuule n’okumulangira obwenzi.

Nanyanzi yatwaliddwa ku Poliisi e Lugazi ng’eno Mukoya gy’agguliddewo omusango gw’okumukuba n’awera nga bw’atagenda kuddamu kuwasa.

More From The Author

Emboozi z’omuwandiisi endala

Emboozi endala

Troubled 220x290

Oulanya agugumbudde abazadde abataweerera...

Omumyuka wa sipiika wa Palamenti, Jacob Oulanya agugumbudde abazadde abeesuuliddeyo ogwa nnaggamba okuweerera abaana...

Young 220x290

Abalokole batadde Gavt. ku nninga...

ABASUMBA b’abalokole batadde gavumenti ku nninga okubawa layisinsi ezibakkiriza okugatta abagole wabweru w’ekkanisa....

Kolayo 220x290

Bayisizza bajeti ya bukadde 200...

ABASUUBUZI mu Kikuubo ne Nabugabo bakungubagidde maama w’omugagga Moses Kayongo nnannnyini Mt. Zion Hotel esangibwa...

Kola 220x290

Agambibwa okubba kasooli bamukubye...

ABASERIKALE ba LDU baliko omuvubuuka gwe bakutte lubona mu lusuku ly’omutuuze ng’abba kasooli ne bamukuba amasasi...

Okutulugunya abakyala kweyongede...

Joan Nakilanda nga ono Alina emyaka 21 yafumbirwa nga alina omyeka 17 era nazala omwana we asoka neba. Oluvanyuma...