TOP

Poliisi enywezezza eby'okwerinda mu bikujjuko bya Paasika

By Martin Ndijjo

Added 30th March 2018

Bannayuganda nga banyumirwa eggandaalo lya Paasika, Poliisi enywezezza eby'okwerinda okukuma emirembe n'okulaba nga abantu basanyuka awatali kutataganyizibwa

Pix 703x422

Emiliano Kayima(ku kkono) omwogezi wa poliisi ng'aliko byanyonyola Ssabavvulu Balaam (ku ddyo0 ne DPC Kyeyune

Poliisi erabudde abateekateeka okutabangula emirembe mu bikujjuko bya Paasika.

Nga Bannayuganda bagenda mu maaso n’okunyumirwa eggandaalo lya Paasika, Poliisi etegezezza nti enywezezza eby’okwerinda  okulaba nga abantu basanyuka mu mirembe n’awera nti bakufaafaagana n’abateekateeka okutabangula emirembe n’okwenyigira mu bikolwa by’obumenyi bw’amateeka.

Bwabadde alambula Jahazi Pier ekimu ku bifo ebisanyukirwamu e Munyonyo awategekeddwa ekivvulu ekitumiddwa Easter Wato- Wato ku Ssande ekya Ssabavvulu Balaam,  omwogezi wa poliisi mu ggwanga, Emiliano Kayima.

ategezezza nti buli mutegesi wa kivvulu eyafunye olukusa bagenda kumuwa obukumi obumala kyokka ono abalabudde (abategesi b’ebivvulu) obutalanga bayimbi abataliwo oba abatagenda kuyimba nti kubanga kino olumu kivvirako abantu okwecanga ne bonoona n’ebintu.

Ye Balaam Baruhagara era ategese ne Easter Wato-Wato e Kavumba ku Mmande ategezezza nti enteekateeka z'ebivvulu bye ziwedde kati alindiridde baddigize abayimbi okuli; Afrigo Band, Jose Chameleone, Madoxx Ssematimba, Desire Luzinda n'abalala babakube emiziki

ate ku lwa bategesi b’ebivvulu asabye abayimbi buli mu gye bamulanze atuukirize obuvunannyizibwa ayimbe okwewala akavvuyo era asuubiza nti abategesi abannaba balyazamanyiziddwa abayimbi bakuyambibwa nga bayita mu kibiina kyabwe  

More From The Author

Emboozi z’omuwandiisi endala

Emboozi endala

Hab2 220x290

Abadde yeyita owa URA n'afera abantu...

Abadde yeyita owa URA n'afera abantu bamugombyemu obwala

Mutaka 220x290

Omutaka w’e Salaama eyalaama okumuziika...

MUSAJJAMUKULU awuniikirizza mukyala we, abaana n’abooluganda bwe babaggyiddeyo ekiraamo okukibasomera nga yalaama...

Asse abaana babiri naye ne bamutta...

Asse abaana babiri naye ne bamutta

Omuliro gwokeza enju 20

NABBAMBULA w’omuliro asaanyizzaawo amayumba agasukka mu 20 ku mwalo gw’e Misanga mu ggombolola y’e Galiraaya mu...

Eyagenda n'omusiguze akomyewo kufumba...

Eyagenda n'omusiguze akomyewo kufumba oluvannyuma lw'okukimanya nti bba yawasizza omukyala mulala n'akomawo ne...