TOP
  • Home
  • Amawulire
  • Abayindi bawabudde Uganda ku nsuubulagana y'amawanga gombi

Abayindi bawabudde Uganda ku nsuubulagana y'amawanga gombi

By Muwanga Kakooza

Added 3rd April 2018

GAVUMENTI ya Buyindi egenda kussaawo ekitongole ekigenda okuvunaanyizibwa ku nkolagana yaayo ne Afrika naddala mu by’obusuubuzi era esabye Uganda okufuna ebintu amawanga gombi mwe gagenda okukolagana.

Fulu 703x422

Ssekandi ng’akwasibwa omu ku bakulembeze b’omu kibuga Mumbai ekimuli.

Ekitongole kino kimanyiddwa nga India Africa Insititute of Foreign Trade.Pulezidenti w’ekibiina ekigatta bannamakolero e Buyindi ekya , All Ndia Assocation of Industries, Vijay Kalantri bino yeyabitegeezezza ng’asisinkyanye omumyuka wa Pulezidenti wa Uganda Edward Kiwanuka Ssekandi mu kibuga Mumbai e Buyindi era n’asaba Uganda efune ebintu by’esinga okwagala okukolaganamu ne Buyindi okugeza tekinoligiya, obulimi, enguudo n’ebirala.

Yagambye nti ebintu Buyindi  by’erinamu obukugu  mulimu eby’okusima obuggagga bw’omu ttaka, ebyobulamu, eby’obulambuzi, amasannyalaze.

Ssekandi yagambye Uganda bw’ekolagana ne Buyindi mu bintu (Buyindi) by’egisingako obukugu  ng’obuvubi, bbanka, okusima eby’obuggagga bw’omu ttaka, tekinologiya kijja kuganyulwa Uganda.

Yagambye nti Uganda ejja kwongera okwolesa ebigikolebwamu Abayindi basobola okulaba emikisa gye basobola okufunamu singa bwe baba baagala okuleeta muno ssente zaabwe.

Mu nsisinkano eno amakampuni ga Buyindi agaagala okutandika wano emirimu gassizza emikono ku biwandiiko .

Akulira bbanka ya Exim Bank, David Rasquinha yasabye amakampuni ga Buyindi okunoonya ebintu bye gasobola okussaamu ssente nga bazze mu Uganda nadaa eby’okulongoosa ebibala ng’ennansi, amata, ne sukaali n’agamba nti bbanka nneetegefu okubawola.

More From The Author

Emboozi z’omuwandiisi endala

Emboozi endala

Bg5 220x290

Omwoleso gwa 'Bride and Grom' 2018...

Omwoleso gwa 'Bride and Grom' 2018 gugguddwaawo e Lugogo: Gwakumala ennaku 3

Laba 220x290

Bp. Ssekamaanya akuutidde ab’e...

OMUSUMBA Mathias Ssekamaanya ayimbye Mmisa e Bungereza n’akuutira Bannayuganda ababeerayo okunyweza obumu.

Ltd 220x290

BUKEDDE W’OLWOMUKAAGA YATUUSE ...

Bazudde ebipya ku kuttibwa kwa Andrew Felix Kaweesi ebiwuniikiriza. Mulimu ebikyuse mu nnaku 100 Ochola z’amaze...

Whatsappimage20180622at25800pm 220x290

Balaze emibiri mu mwoleso gwa Bride...

Ebyana biwala biraze emibiri ku mukolo gw'okuggulawo omwoleso gwa Bride and Groom ogutegekeddwa Vision Group ku...

Lindwa 220x290

Mulindwa bamuloopedde abazannyi...

VIPERS olwawangudde ekikopo kya Azam Uganda Premier League, abamu ku bazannyi baayo ne bateekawo obukwakkulizo...