TOP

Aba DP bavuddeyo ku bulumbaganyi ku bannaddiini

By Muwanga Kakooza

Added 3rd April 2018

DP evuddeyo ku ku bulumbaganyi n’okutiisibwatisibwa okutandise okukolebwa ku bannaddiini n’egamba nti kandiba akakodyo ka gavumenti ak’okubalemesa okwogera amazima ku bikyamu ebigenda maaso mu ggwanga.

Dp1 703x422

Omwogezi wa DP Keneth Paul Kakande (ddyo) ng’ayogera eri bannamawulire. Ku kkono yeyesimbyewo ku tikiti ya DP okukulira abayizi ba yunivasite e Nkumba , Mahad Kawuma.

DP evuddeyo ku ku bulumbaganyi n’okutiisibwatisibwa okutandise okukolebwa  ku bannaddiini n’egamba  nti kandiba akakodyo  ka gavumenti ak’okubalemesa okwogera amazima  ku bikyamu ebigenda maaso mu ggwanga.

Ssaabasumba w’essaza ekkulu erya Kampala, Dr. Cyprian Kizito yeemulugunyizza nti waliwo omusajja eyamukubidde essimu n’amulabula yeegendereze by’ayogera  nti ayinza okutemulwa ng’eyali Ssabalabirizi w’Ekkanisa ya Uganda Janan Luwumu. Era nti yamugambye nti buli munnaddiini aliko fayiro y’ebimuwandikibwako bambega.

Kyokka yabadde yaakabyogera ate omusajja Kaddu n’alumba omulabirizi w’e Namirembe ku wolotaali n’embuukuuli y’omuggo mu kusaba kwa Paasika wabula n’asimattukira watono okukubwa.

Omwogezi wa DP Keneth Paul Kakande agambye bannamawulire nti kano kandiba akakodyo k’okulemesa bannaddiini okwogera amazima nga bwe babadde batandise okukola ku gavumenti n’agamba nti DP evumirira ebikolwa nga bino.

Yagambye nti gavumenti eyinza okwekwasa kino n’etandika okuyiwa abaserikale mu masinzizo nti bakuume bannaddiini abalabika ng'abali mu katyabaga ekintu ekijja okubalemesa okwetaaya.

Yasabye gavumenti obutasaagira  mu nsonga za musajja yazinze omulabirizi Luwalira.

Ku musolo ku bakozesa emikutu gya yintanenti nga Facebook, Whats App n’emirala gavumenti gw’eyagala okussaawo, DP yagambye nti gigendereddwaamu kulemesa bantu kukubaganya birowoozo  n’okwogera ebibaluma n’agamba tegusaanye kubeerawo.

Yawakanyizza n'entegeka z’okugatta ba ‘crime preventers’  ku ggye lya UPDF.

More From The Author

Emboozi z’omuwandiisi endala

Emboozi endala

Tteeka1 220x290

Ebintu 10 ebivaako abakazi okwetamwa...

Omukazi ayinza okukyawa akaboozi oba obutabeera mu mbeera za kwegatta olw’ensonga ezitali zimu.

Genda 220x290

Sheikh Muzaata: Kuva dda nga musajja...

SHEIKH NUHU MUZAATA Batte yazaalibwa mu myaka gya 1950 e Bwayise mu Lufula Zooni okumpi ne Kimombasa mu maka g'omugenzi...

Tteeka2 220x290

Baleese etteeka ku kunyumya akaboozi...

GGWE ssebo abadde alowooleza mu bya, ‘omusajja tammwa kantu’, bukukeeredde! Palamenti ereese etteeka mw’osobola...

20128largeimg210aug2012144442107703422 220x290

Ab'e Kibuli boogedde ku bya Kenzo...

Sheikh Abdul Salaam Mutyaba Imaam w’omuzikiti gw’e Kibuli yagambye bakyetegereza ebya Kenzo era bagenda kutuuza...

Kulanna 220x290

Eyali bba wa Kulannama awadde Kenzo...

Eyali bba wa Senga Kulannama n’amugoba, Abdul Lubega, awadde Kenzo amagezi nti byonna by’ayitamu ye (Lubega) bifaanana...