TOP
  • Home
  • Amawulire
  • Emmundu mu kisenge kya Faaza ebaggye enviiri ku mitwe!

Emmundu mu kisenge kya Faaza ebaggye enviiri ku mitwe!

By Musasi wa Bukedde

Added 4th April 2018

Mu Mmisa ya Paasika, Ssaabasumba yagambye nti kyamuggya enviiri ku mutwe gye buvuddeko, Faaza yafudde kyokka abaserikale okuva mu kitongole ky’amagye ekikessi ekya CMI ne bajja ne babategeeza nti baabadde baagala kukeberako mu kisenge ky’omugenzi.

Dr1703422 703x422

Bwe baagezezzaako okubalemesa ne bategeeza nti munda waliyo ebintu bya Gavumenti era olwayingidde, baafulumye n’emmundu ne bagitwala.

Engeri Faaza oyo (amannya galekeddwa) gye yafuna emmundu temanyiddwa, wabula abamu baawunzika mangu nti abadde alina emirimu emirala gy’akola egisukka ku kulyowa emyoyo.

Kigambibwa nti kino kye kimu ku byayongedde okweraliikiriza Ssaabasumba era ebigambo by’omusajja eyamukubidde essimu n’abitwalira ddala ng’ebirimu eggumba.

Ensonda e Lubaga zaategeezezza Bukedde nti eggulo, Omuduumizi wa poliisi mu ggwanga Martin Okoth Ochola yagenze e Lubaga n’asisinkana Dr. Lwanga okwogera ku byokwerinda bye.

Olukiiko lwabwe lwawerekeddwa okulambula ebifo byonna okwetoloola Lubaga era nga kino kyakulembeddwa omuduumizi wa poliisi mu Kampala n’emiriraano era ne kisalwawo bongere ku bukuumi.

Msgr. Wynand Katende omwogezi wa Klezia mu Ssaza lya Kampala yategeezezza nti ekya poliisi okwongera obukuumi ng’esinziira ku poliisi gye yateeka e Lubaga tebakirinaako buzibu.

Waabaddewo n’enteekateeka poliisi gye yabadde eyagala ey’okuwa bannaddiini abakuumi abalina emmundu kyokka kino ab’e Lubaga ne Namirembe bakyakisimbidde ekkuuli.

Kigambibwa nti entegeka eno baasooka kugezaako kugimatiza Mulabirizi w’e Namirembe Wilberforce Kityo Luwalira wabula n’agaana eby’okumussaako omuserikale ow’emmundu ng’ajuliza ebyawandiikibwa nti, “ Katonda bw’atakuuma kibuga n’abakuuma bakuumira bwereere.”

Okuva bannaddiini lwe baawakanya eky’engeri ababaka gye baakwatamu ensonga y’okuggyawo ekkomo ku myaka gya Pulezidenti mu December w’omwaka oguwedde, babadde tebakwatagana bulungi ne bannabyabufuzi mu Gavumenti eya wakati.

Mu Mmisa ya Ssekukkulu e Lubaga abantu bwe bahhoola omumyuka wa Pulezidenti Edward Kiwanuka Ssekandi olw’okuggya ekkomo ku myaka gya Pulezidenti; bannabyabufuzi abamu mu NRM baakizza wa Ssaabasumba nti teyakola kimala kukoma ku Bakristu.

More From The Author

Emboozi z’omuwandiisi endala

Emboozi endala

Kavuma1jpgweb 220x290

Omukazi yanfera omukwano

Nze Abdurrahman Musingunzi 25, mbeera Kalerwe. Twasisinkana n’omukazi mu ttendekero erimu eryobusomesa e Ibanda...

Mwana2jpgweb 220x290

Abazadde basobeddwa olw'omwana...

Abazadde basobeddwa olw'omwana waabwe okuyubuka olususu buli olukya naye nga tebamanyi kimuluma. Bagamba nti omwana...

Kadaga 220x290

Kadaga alabudde abakozesa obwana...

Sipiika wa Palamenti, Rebecca Kadaga asabye gavumenti okussaawo amateeka amakakali agakangavvula abakozesa abaana...

Ndagamuntuyomugenzi2 220x290

Afiiridde mu mulyango nga bamutwala...

Abatuuze basabye bannannyini mayumba okukomya okupangisa abantu amayumba nga tebafunye bibakwatako

Sat2 220x290

Ttiimu 40 zikakasizza okwetaba...

Ttiimu 40 zikakasizza okwetaba mu mpaka za Begumisa cup