TOP
  • Home
  • Agebwelu
  • Putin agezesezza mizayiro amawanga 4 ne gatya

Putin agezesezza mizayiro amawanga 4 ne gatya

By Musasi wa Bukedde

Added 9th April 2018

EMMEERI enwanyi n’ebyokulwanyisa eby’amaanyi Pulezidenti Vladimir Putin by’akuluumuludde wakati mu bunkenke obuliwo wakati wa Russia ne Bungereza n'amawanga ga Bulaaya amalala bitiisizza amawanga ga Bulaaya okuli Sweden, Poland ne Latvia ne zeekubira enduulu mu mukago gwa NATO.

Yoga 703x422

Emu ku mmeeri ya Russia ng'ekanyuga emizinga.

Ekisinze okutiisa Poland, Sweden ne Latvia ze bbomu, emizinga ne mizayiro za Russia ebyesooleza mu bwengula bw’oguyanja Baltic Sea okumpi n’ensalo z’amawanga gaabwe nga Russia egezesa 'layivu’ ebyokulwanyisa byayo Pulezidenti Putin yayungudde emmeeri enwanyi mukaaga ez’omutawaana, ezimu kw’ezo Russia z’esinga okwesiga ne zigenda mu guyanja gwa Basltic Sea ne zitandika okwegezaamu.

Ku mmeeri z’ayungudde, Putin agasseeko n’abajaasi abatendeke 75,000 okwetaba mu kwegezaamu kuno okwatandise ku Lwomukaagai nga waakayita ennaku mbale nga Pulezidenti Donald Trump owa Amerika abakulembeze owa, Latvia, Estonia ne Lithuania n’abakakasa nti, Russia terina ky’eyinza kubakola nga Amerika w’eri.

Okwegezaamu kuno Russia ekitadde wakati wa Sweden, Poland ne Latvia kyokka nga kuli kumpi nnyo n’ekibuga kya Sweden ekya Karlskrona. Sweden ye yasoose okwekubira enduulu mu mukago gwa NATO ng’esaba Amerika, Bungereza, Yitale, Bufaransa n’amawanga amalala abanene okugamba ku Russia.

Putin okutandika okugezesa ebyokulwanyisa bye kwongedde obunkenke mu Bulaaya olw’obutakkaanya Russia bw’erina ne Bungereza oluvannyuma lwa munnansi wa Russia Sergei Viktorovich Skripal 66 ne muwala we ow’emyaka 33 okubeegezaamu ne babawa obutwa ku ttaka lya Bungereza.

Entabwe yava ku Katikkiro wa Bungereza May Theresa okulumiriza Putin nti yayungulidde Skripal ne muwala we abatemu abaabadde baagala okubattisa obutwa mu ngeri y'emu nga bwe bazze batemula buli muntu asoowagana ne Putin.

Skripal yali mbega ow’ekitongole kya Russia ekikessi ekya KGB kyokka ng’abegera ne Bungereza era Theresa alumiriza nti Putin ye yatuma abaali bagezaako okumumiza omusu.

Awo Katikkiro Theresa we yasinziira n’assa ku nninga Putin nti ateekwa okumubuulira abaali basse omusajja era ekyaddiridde ne Bungereza okugoba abakungu ba Russia ne Russia n’egoba abakungu ba Bungereza olwo n’amawanga ag’omu Bulaaya ne Amerika ne gagoba abakungu ba Russia abateeberezebwa okubeera ba mbega.

Russia okugezesa ebyokulwanyisa byayo kiddiridde Putin okuyungula emmeeri enwanyi okwetoloola agayanja aganene mu Bulaaya okuli Mediterranean, Black Sea, Baltic sea mu ngeri ey’okulaga eryaanyi amawanga ag’omukago gwa NATO ageegasse ku Bungereza eri ku mbiranye ne Russia mu kiseera kino.

Omukungu wa minisitule ya Russia ey’ebyokwerinda, Nikolai Patrushev yategeezezza nti, okwegezaamu kuno kwakumala ennaku nnya nga kulimu emmeeri 11 okuli enwanyi ne lubbira nga zaseeyeyezza okuva ku mwalo ogwa Kaliningrad wakati Lithuania ne Poland ne zigumba mu kifo ekiyitibwa Baltiysk, Nikolai Patrushev yategeezezza nti ekigendererwa ekikulu eky’okwegezaamu kuno y’engeri Russia gy’esobola okukuuma ensalo n’obwengula bwayo singa olutalo lubalukawo wakati waayo ne Bungereza.

More From The Author

Emboozi z’omuwandiisi endala

Emboozi endala

Mm 220x290

Kkampuni zisaze omusolo ku ‘Mobilemoney...

KKAMPUNI z’amasimu zitandise okussa mu nkola etteeka ly’okukendeeza gwa ‘mobile money’ (Airtel money, Africel Money...

Monicangalagaobutungulubwatunda500webuse 220x290

Ekigwo ekimu tekyandobera kuddamu...

Omulimu gw'okufumba bwe gwanzigwako tekyandobera kutandika kulimira wafunda era kati nasituka dda sirina agoba....

Skull 220x290

Bamukutte n’akawanga

OMUSAJJA eyasangiddwa n’akawanga k’omufu gamumyuse. Abatuuze baamulinye akagere ne bamukwata n’ekisawo mwe yabadde...

Muhangi3 220x290

Muhangi akkirizza okusisinkana...

OMUGAGGA Charles Muhangi awadde abasuubuzi abakolera ku bizimbe bya Qualicel(Horizoni city) ne Nabukeera (Bazannya...

Zaina2webuse 220x290

Obwakondakita bwamponya ennaku...

Okukola obwakondakita nga ndi mukazi kinnyambye okulabirira abaana bange ate n'okuyiga bwe bakolagana n'abantu...