TOP

Gavumenti etadde omusolo ku boda boda

By Musasi wa Bukedde

Added 25th April 2018

Gavumenti etadde omusolo ku boda boda

Yet1 703x422

Minisita Bahati

GAVUMENTI eraze ensonga ezigiteekesezza omusolo ku Whats App, Facebook, amafuta, butto, omwenge ne bodaboda okutandika mu July w’omwaka guno. Minisita omubeezi ow’ebyensimbi yasinzidde mu Palamenti mu kakiiko k’ebyensimbi akakubirizibwa Henry Musasizi (Rubanda East) n’ategeeza nti Gavumenti eri mu kunoonya ssente ezinaakozesebwa okutuusa obuweereza mu bantu okuli; okuzimba enguudo, amasomero, amalwaliro n’ebyetaago ebirala.

Yategeezezza nti emikutu mugattabantu nga WhatsApp, Facebook, n’emirala okutandika ne July w’omwaka guno omuntu okugikozesa baakumuggyako100 buli lunaku. Abaagala bajja kubeera baddembe okusasula 36,000/- omwaka gwonna. Gavumenti yaakukolagana butereevu n’amakampuni g’amasimu okulaba nga ssente zino zisalibwa ku buli nnamba ya ssimu ebeera ekozeseddwa.

Kyokka singa omuntu abeera takozesezza mikutu gya mugatta bantu tajja kuwoozebwangako ssente yonna. Bahati yakkirizza nti kituufu abantu bawa emisolo mingi, kyokka ne Gavumenti terina ngeri gyesobola kubatuusaako buweereza bwe beetaaga nga tesoloozezza misolo. Eky’okuba ng’abantu basangiddwa nga basasula omusolo ku ‘airtime’ gwe bateeka ku ssimu, Bahati yagambye nti bakimanyi era y’ensonga lwaki n’omusolo oguteereddwako musaamusaamu.

Gavumenti mu kaweefube w’okugaziya enyingiza etadde omusolo ku pikipiki ezivuga bodaboda nga zaakuwandiikibwa nga buli emu mu kuwandiisibwa esasula 200,000/-. Kino kijja kukolebwa mu ggwanga lyonna. Gavumenti eyagala buli muntu aba asindika ssente ku ssimu aggyibweko omusolo gwa kitundu kimu ku buli 100 ekya ssente z’aba asindika.

Okugeza bw’obeera ng’osindika 100,000/- oggyibwako omusolo gwa 1,000/-. Ssente zino ziggyibwa ku muntu asindika ssente yekka, abeera aggyayo tazisasula. Kkampuni z’amasimu bazongeddeko omusolo ku magoba ge zikola okuva ku bitundu 10 okutuuka ku bitundu 15 ku buli 100/-.

Amafuta nago gongeddwako omusolo nga buli liita y’amafuta awatali kwawula kika bagyongeddeko omusolo gwa 100. Ssente ezinaava ku mafuta zaakuyamba okuddaabiriza enguudo eziba zoonoonese.

Emmotoka enkadde eziwezezza emyaka omunaana n’okweyongerayo tezigenda kuddamu kukkirizibwa kuyingizibwa mu ggwanga. Kino kikoleddwa okutaasa obutonde bw’ensi nga kitandika mu September w’omwaka guno. Ebibiina by’obwegassi ebya SACCO biteereddwako omusolo gwa bitundu 30 ku buli 100 ku magoba ge babeera bakoze.

Gavumenti ekizudde nti ebadde bizinensi abantu mwe bafuna amagoba, kyokka nga tebasasula musolo. Emisolo gyonna waggulu gireeteddwa mu bajeti y’omwaka gw’ebyensimbi ogwa 2018/ 2019.

Mu kaweefube wa Gavumenti okwanguyiza abantu emirimu bagenda kuwandiisa bizinensi mu nnaku bbiri n’okwongera ku tekinologiya alondoola ebyamaguzi.

More From The Author

Emboozi z’omuwandiisi endala

Emboozi endala

Mpolo9webusebig 220x290

Bakatikkiro b'ebika bafunye essuubi...

Ssaabawolereza wa Mmengo, Christopher Bwanika yasabye ebika okuwandiisa enkiiko z'abayima era balambike bulungi...

Renah1 220x290

Renah Nalumansi azaalidde maneja...

Omuyimbi Renah Nalumansi azaalidde Justin Bas omusika ne yeewaana "sikyali mu kiraasi ya ba laavu nigga"

Tegula 220x290

Mutabani, buno bwe butaka bwaffe...

MUTABANI wa Bobi Wine akuze. Era nga taata ow’obuvunaanyizibwa, Bobi Wine takyaleka mutabani we waka.

Fun 220x290

Nakakande yeeriisa nkuuli mu Miss...

NNALULUNGI wa Uganda, Oliver Nakakande (owookubiri ku ddyo) ayongedde okutangaaza emikisa gye okuvuganya mu mpaka...

Kubayo 220x290

Eddy Kenzo Guma newange bibuuza...

ABAYIMBI Jose Chameleone ne Eddy Kenzo baabaddeko mu kivvulu kya Wizkid e Lugogo. Baalabiddwaako nga beesika mu...