TOP
  • Home
  • Amawulire
  • ‘Abazadde mumanye emikwano abaana bammwe gye babeera nagyo’

‘Abazadde mumanye emikwano abaana bammwe gye babeera nagyo’

By Musasi wa Bukedde

Added 29th April 2018

‘Abazadde mumanye emikwano abaana bammwe gye babeera nagyo’

Fub2 703x422

Nsobya ( ku ddyo) ng’ayogera n’abatuuze b’e Kabalagala.

POLIISI ewadde abazadde amagezi okumanya mikwano gy’abaana baabwe naddala abavubuka okusobola okubaziyiza okwenyigira mu bumenyi bw’amateeka. Ng’ayogera eri abatuuze b’e Kabalagala, Hussein Nsobya okuva mu kitongole kya poliisi ekirwanyisa obutujju yagambye nti; abaana naddala obuvubuka beetaaga okussaako eriiso ejjoji baleme kusendebwasendebwa bantu bakyamu kubeegattako.

N’agamba nti abantu abakyamu babasuubiza okubawa ebintu ebirungi naddala bye basinga okwetaaga nga kino bakikola okubayingiza mu bibinja byabwe eby’abamenyi b’amateeka. “Kino ekiseera kye tulimu kizibu kuba waliwo abeegwanyiza n’okutuukiriza ebigendererwa byabwe ng banoonya abavubuka abangu b’okumatiza ne babakozesa bye baagala. Yagambye nti abazadde balina okwogera n’abaana baabwe buli kiseera okumanya embeera gye bayitamu babatangire okugwa mu buzibu.

Yategeezezza nti, abavubuka bangi babeera baagala ssente nga bwe wabaawo azibawa oba azibasuubiza kyangu okubakozesa by’ayagala. Yagasseeko nti, omuzadde yenna omwana we bw’atasula waka aleme kukitwala nga kya kusaaga wabula afeeyo okuzuula gye yasuze kuba eyinza obeera n’abantu abakyamu.

Nsobya yagambye nti, waliwo abavubuka be baanunula nga baali batendekebwa e Congo, Mubende ne Buvuma. Yagasseeko nti n’obutabanguko mu maka nabwo buvaako abaana okwekyawa ne badduka waka n’akkakkana ng’afunye emikwano egitali mirungi.

 

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...