TOP

Omutuuze asobeddwa ku bamwokera ebintu

By Musasi wa Bukedde

Added 3rd May 2018

Omutuuze asobeddwa ku bamwokera ebintu

Feb3 703x422

ABANTU abatannategeerekeka baalumbye amaka g’omutuuze, David Matovu ow’e Nyanama ne bookya mmotoka ye. Kino kyeraliikirizza aba famire ne basaba poliisi ebawe obukuumi. Matovu agamba nti, abazigu baasooka kumulumba ku ntandikwa y’omwaka guno ne bateekera ennyumba ze ez’abapangisa ezisangibwa e Nyanama omuliro, era emizigo ebiri gyonna ne gisaanawo. “Ensonga nazikwasa poliisi.

Mbadde nkyali ku kya kwokya nnyumba zange ate abazigu baakomyewo mu kiro nga April 18, 2018 ne balumba ekkolero lyange erya Morgan erikola ebizigo ne ssabbuuni. Baasanzeewo emmotoka yange ekika kya Noah UAQ 664A ne bagiteekera omuliro yonna. Abadduukirize abaalabye omuliro nga gutuntumuka be batuzuukusizza ne tukubira poliisi eyayanguye okujja n’eguzikiza.

Neewuunya emmotoka okukwata omuliro kuba emmotoka nali ngisimbye mu luggya okumala ennaku bbiri nga sigivuga, ne nsoberwa ekyagiviirako okukwata omuliro. Emyaka egisoba mu 10 gye mmaze e Nyanama, sirinamuntu gwe nninako mpalana wadde mu mirimu, naye kirabika waliwo omuntu antambulirako.kubanga omuliro guno gulaga nga mutegeke bulungi, ate gwonna gukwatira mu ssaawa ze zimu, ssaawa 7:00 ez’ekiro. “Ndi mu kweraliikirira kuba ayokya ebintu byange ajja ssaawa ze zimu, 7:00 ogw’ekiro” Matovu bwe yagambye.

Abdu Nasser Hidujja, akulira ebikwekweto ku poliisi e Kabowa yagambye nti, bali mu kunoonyereza abali emabega w’ebikolwa bino bakwatibwe bavunaanibwe.

Yagambye nti waliwo abantu ab’enjawulo abaggyiddwaako sitatimenti omuli n’abapangisa ba Matovu bayambeko mu kunoonyereza. “Twagguddewo emisango egy’enjawulo ku fayiro SD: 24/19/04/18 , singa tunaazuula abeenyigira mu kikolwa kino baakukangavvulwa mu mateeka” Hidujja bw’agambye.

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam