TOP
  • Home
  • Amawulire
  • Alumirizza minisita Amongi okukozesa ofiisi ye amubbe ettaka

Alumirizza minisita Amongi okukozesa ofiisi ye amubbe ettaka

By Musasi wa Bukedde

Added 5th May 2018

AKAKIIKO k’ettaka katandise okunoonyereza ku minisita ow’ettaka, Betty Amongi ku bigambibwa nti ali mu lukwe lw’akubba ettaka okuli ekizimbe ku Acacia Avenue okuva ku Bayindi.

Baba 703x422

Toshak ne minisita Amongi

Obujulizi obwaleeteddwa mu kakiiko bulaga nti minisita Amongi okubba ettaka lino yayita mu kkampuni ye eya Amobet Investments Ltd mw’alina emigabo gya bitundu 60.

Kino kiddiridde Omuyindi Toshak Manubhai Patela okujja mu kakiiko k’omulamuzi Catherine Bamugemereire n’aloopa minisita Amongi olw’okwerimbika mu bantu abalala n’atandika kaweefube w’okumubbako ekizimbe kya famire ye ekiri ku plot 29 Acacia Avenue kye babadde nakyo okuva 1968.

Yagambye nti, “ekizimbe kino kyali kya maama wange Mandakini Manubhail Patela ne ssenga wange Sarobjen Patel. Amin bwe yagoba Abayindi mu Uganda twadduka ne tudda e Buyindi nze ne nkomawo mu Uganda mu 1995.

Twatandikirawo okugenda mu kakiiko ka “Departed Asian Property Custodian Board” akaali kakola ku nsonga z’okuddiza Abayindi ebintu byabwe bye baleka era ne batuwa ebiwandiiko byonna ebikakasa nti batuddiza ekizimbe kyaffe.

Mu 2001, ssenga wange Sarobjen yanguza omugabo gwe ne mbeera nga nze ne maama ffe bannannyini kyo era ne tukipangisa kkampuni ya Midcom Private Ltd nga omwezi etusasula doola 9000.

Obuzibu bwonna bw’atandika mwaka guwedde mu December bwe nali hhenze okuwummulamu mu Australia ne nfuna ebbaluwa okuva mu kkampuni ya Amobet Investments Ltd eyali eteereddwaako omukono Dayirekita waayo, Henry Mubiru nga bang'amba okuva mu kizimbe kubanga gavumenti ng’eyita mu Custodian Board nga bagamba nti kkampuni eno eweereddwa ettaka lino okuliddukanya oluvannyuma lw’Abayindi abaali bannannyini kyo obutakomawo mu Uganda.

Nafunirawo balooya ne babawandiikira nga babategeeza nti ekizimbe tukirina mu mateeka okuviira ddala mu 1968 kyokka mu kunziramu bantegeeza nti baasoose kunoonyereza mu boobuyinza be kikwatako omuli minisitule y’ettaka ng’ebiwandiiko byonna bye nnina bijingirire.

Mba sinnaddamu bbaluwa eno nga February 5, 2018, nafuna ebbaluwa endala okuva ewa minisita Amongi ng’ampita mu lukiiko ku nsonga z’okujingirira ebiwandiiko naye ne nfuna okwekengera ng’emikono ku biwandiiko bya Mubiru bye yasooka okumpeereza nga tebikwatagana ate nga ne kkampuni ya Amobet egambibwa okugula ekizimbe kyange nga sikakkasa bannannyiyo.

Balooya bange aba Bitangalo bagenda ewa lijesitula awandiisa kkampuni okunoonyereza gye twakizuulira nti kkampuni eno ekozesebwa okutwala ekizimbe kyange ya minisita Betty Amongi era ng’alinamu emigabo gya bitundu 60 ku 100 kyokka nga ye muntu omu ampita okugenda mu ofiisi ye banoonyerezeeko ku by’okujingirira.

Kino kyayongera okundaga nti waliwo olukwe lwa minisita okutwala ekizimbe kyange kubanga tasobola kuba nga ye nnannyini kkampuni eyagula ate nga ye muntu y’omu akozesa ofiisi ye okungobaganya.

More From The Author

Emboozi z’omuwandiisi endala

Emboozi endala

Lev1 220x290

Omuyimbi Abel Chungu Musuka mutaka...

Omuyimbi Abel Chungu Musuka okuva e Zambia ali mu ggwanga.

Bamboowebuse 220x290

Newumbe ekyama yakizuula mu mabanda...

Bwe nalaba amabanda nga mangi ewaffe e Mbale ne nnoonyereza kye nyinza okugakolamu ne nfuna ssente era nazuula...

Roja 220x290

Slick Stuart ne DJ Roja bogedde...

Slick Stuart ne DJ Roja bakafulu mu kutabula ekyuma mu ggwanga balaze ebibafudde ba Dj ab’enjawuulo.

Na1 220x290

Ebya Don Nasser bibi.

Don Nasser bomwonoonedde! akwattiddwa poliisi ku misango gy'obufere.

Mushroomharvestingwebuse 220x290

Asigala awaka lima obutiko weegobeko...

Omukyala akooye okutoolerwako n'okulangirwa ssente z'akameeza weekwate okulima obutiko tojja kwejjusa