TOP
  • Home
  • Amawulire
  • Bamulumirizza okufera abantu okubatwala ku kyeyo

Bamulumirizza okufera abantu okubatwala ku kyeyo

By Musasi wa Bukedde

Added 5th May 2018

OMULAMUZI wa kkooti y’eddaala erisooka ku Buganda Road, Robert Mukanza akkirizza okusaba kwa Abdumalik Katende okw’okweyimirirwa ku musango ogumuvunaanibwa ogw’okuggya ssente ku bantu mu lukujjukujju ng’abasuubizza okubatwala e Dubai okukola wabula oluvannyuma n’abeefuulira nga bamaze okumuwa ssente.

Ma 703x422

Katende

Ku Lwokusatu, omu be yabba, Asumpta Namaganda 28, yalabiseeko mu kkooti n’annyonnyola nti mu January 2017, waliwo mukwano gwe eyamukwasa Katende n’akolagana naye n’abalala okwali Abasi Wasswa ne Hajarah Nalubega bamukolere ku biwandiiko.

Agamba nti yasooka n’amusaba akakadde kamu ate nga wayise wiiki bbiri, Katende n’amusaba emitwalo 20 ez’eddwaaliro.

Agamba nti mu May 2017, Katende yaddamu n’amusana emitwalo 30 okukola ku ky’okuyita ku kisaawe e Ntebe olwo essimu ye n’evaako okumala akabanga.

Namaganda agamba nti essimu bwe yaddako Katende yamutegeeza nga bw’alina okuba omugumiikiriza oba ssi ekyo amuddize ssente ze.

Namaganda ensonga yazitwala ku poliisi y’e Nansana - Ganda n’ekwata Katende.

Namaganda agamba nti baamubba n’abalala okuli; Simon Luggya, Sam Kabanda, Gonzaga Ssekasamba, Simon Peter Kimbowa ne Shadia Naluwooza nga buli omu yamuwa akakadde kamu n’ekitundu.

Oluvannyuma lw’okuwuliriza oludda lwa Namaganda, Katende yaleese abantu babiri abalina okumweyimirira wabula bano baayogedde ebitakwatagana omuli okutankana gye basula era omulamuzi n’asalawo kkooti ewummulemu okumala essaawa bbiri era oluvannyuma omulamuzi n’akkiriza Katende okweyimirirwa ekintu ekyakanze Namaganda nti Katende balinga abamutadde.

Omusango guddamu nga May 15, 2018.

More From The Author

Emboozi z’omuwandiisi endala

Emboozi endala

Ssenga1 220x290

Omukazi alabika yandoga obusajja...

OMUKAZI bw’aba nga yanzita obusajja, nsobola okufuna eddagala? Sirina manyi ga kisajja bulungi ate nga gaali mangi...

Pansa 220x290

Stecia Mayanja ddala muzito oba...

HAJATI Faridah Mubiru manya Stecia Mayanja owa Kream Production ennaku zino alina engeri gy’agezze ate nga ne Sharia...

Dvq8ouzwkaakba8 220x290

Awagidde eky’okusimbawo Museveni...

SSENTEBE w’amatabi ga NRM agali ebweru wa Uganda, Al Haji Abbey Walusimbi awagidde ekyasaliddwaawo akakiiko ak’oku...

Letter002pix 220x290

Abaserikale ba poliisi y'oku mazzi...

ABASERIKALE ba poliisi erawuna ennyanja bataano bagudde mu mazzi eryato mwe babadde batambulira nga bali ku mirimu...

Tega 220x290

Bazzukulu ba Ssekabaka Ssuuna batabuse...

EBY’ETTAKA ly’e Lubowa ku lw’e Ntebe gavumenti ly’eyagala okuwa yinvesita azimbeko eddwaaliro ery’omulembe byongedde...