TOP
  • Home
  • Amawulire
  • Omusomesa agambibwa okukaka omuyizi w'e Makerere akaboozi atuuyanidde mu kaguli

Omusomesa agambibwa okukaka omuyizi w'e Makerere akaboozi atuuyanidde mu kaguli

By Joseph Makumbi

Added 5th May 2018

EDWARD Kisuze 44, agambibwa okukaka omuwala akaboozi asimbiddwa mu maaso g’omulamuzi wa kkooti ya Buganda Road n’asomerwa emisango ebiri n’amusindika e Luzira okutuusa nga May 10.

Kisu1 703x422

Kisuze ng'ali mu kaguli

Kisuze eyabadde anekedde mu ssuuti ye enzirugavu, yatuusiddwa ku kkooti mu bugombe bwa poliisi nga balinga abatwala omukungu era ku ssaawa 10:20 ez’akawungeezi, yasimbiddwa mu maaso g’omulamuzi James Eremye Mawanda.

Baamusomedde emisango ebiri okuli ogw’okugezaako okusobya ku mukazi n’ogw’okutigaatiga ebitundu by’omukazi ebyekyama.

Kigambibwa nti, emisango gino, yagizza nga April 13, 2018 mu ofiisi ye nnamba 507 ku kizimbe kya Senate mu Makerere.

Omusango ogusooka baasomye nti, Kisuze yagezaako okunyumya akaboozi ne Njoroge Racheal Njeri nga tafunye lukusa kuva gy’ali.

 joroge ku ddyo ne mukwano gwe mu kkooti Njoroge (ku ddyo) ne mukwano gwe mu kkooti.

 

Emisango gyonna, Kisuze yagyegaanyi oludda oluwaabi olwakulembeddwamu Vioal Tusingwire ne lutegeeza kkooti nti, okunoonyereza kwabadde kuwedde.

Munnmateeka wa Kisuze, Kenneth Munungu yazze n’abantu bana okuli Jonathan Muyingo, Robert Ssemanda, Stephen Ssemugera mikwano gya Kisuze okuva e Ndejje Mirimu gy’asula ne Dickson Ndaga muganda we bamweyimirire.

Omuwaabi wa Gavumenti yategeezezza omulamuzi nti, yabadde alina ebiragiro obutakkiriza kusaba kwa Kisuze okw’okweyimirirwa n’agamba nti betaaga obudde okwekenneenya empapula ezoogera ku bantu abaagala okumweyimirira omulamuzi n’alagira nti kkooti yaakuddamu nga May 10.

Mu kkooti n’omuwala Racheal Njoroge Njeri avunaana Kisuze yabaddemu.

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja