TOP
  • Home
  • Agebwelu
  • Bakomando ba Yisirayiri batemudde Abapalasitina 60

Bakomando ba Yisirayiri batemudde Abapalasitina 60

By Musasi wa Bukedde

Added 16th May 2018

BAMUNTUNSOLO ba Yisirayiri bataamye ne batta Abapalasitina 60 n’okulumya abalala 2,400 wakati mu kwesooza kw’amasasi n’ebikompola. Byabadde ku nsalo ya Yisirayiri ne Palesitine mu kitundu ky’e Gaza.

Wata0 703x422

Olutalo n’okwekalakaasa kwavudde ku Katikkiro wa Yisirayiri Benjamin Netanyahu okutongoza ekitebe kya Amerika mu kibuga Yerusalemi okuva e Telaviv gye kibadde.

Okuva Amerika lwe yalangirira nti ekitebe kyayo ekiggye e Telaviv n’ekizza e Yerusalemi, Abapalasitina bazze bakiwakanya n’amawanga amalala nga bakiyita kuyiikiriza n’okusosonkereza kwa Yisirayiri okuddira ekibuga bbo kye bagamba nti tekirinaako buyinza ekya Yerusalemi okukifuula ekyayo.

Mu December w’omwaka oguwedde, Amerika yalangirira nga bw’etongozza Yerusalemi okuba ekibuga kya Yisirayiri ekikulu.

Emikolo gy’okutongoza ekitebe kya Amerika mu Yerusalemi gyakoleddwa omubaka wa Pulezidenti Trump ow’enjawulo mu kyondo kya Buwarabu Ivanka Trump ne bba era mukoddomi wa Trump Jared Kushner.

Olunaku lw’eggulo nga beetegekera okutongoza ekitebe kya Amerika, Yisirayiri yategese bamuntunsolo baayo abakambwe ne beetegeka ku nsalo zonna nga babagalidde emmundu zimutasubwa nga balinda ekiddako.

 bapalasitina nga bakozesa envuumuulo okukuba abajaasi ba isirayiri Abapalasitina nga bakozesa envuumuulo okukuba abajaasi ba Yisirayiri.

Olwamaze okutongoza ekitebe, akulira akabinja k’abayeekera aka al-Qaeda ayitibwa Ayman al-Zawahiri n’alangirira nti kati olutalo lutandise abantu abasoba mu mitwalo esatu ne beeyiwa ku nguudo mu Palesitine, Gaza n’awalala ne batandika okwekalaakasa n’okukasuka amayinja ku nsalo ya Yisirayiri.

Wano bamuntunsolo baabaanukuzza bukambwe ne batandika okubakubamu amasasi ne ttiyagaasi okumala essaawa okukkakkana ng’emirambo 60 gigudde, 2400 banyiga biwundu.

Pulezidenti wa Russia Vladimir Putin yategeezezza nti ekikolwa kya Amerika okutongoza Yerusalemi ng’ekibuga ekikulu ekya Yisirayiri n’okuzzaayo ekitebe kyayo n’okukitongoza n’ekitongoza kabonero akagenderedde okutabangula emirembe mu kitundu kino.

Palesitine ne Iran zaakivumiridde era ne zirangira Katikkiro Netanyahu okuba omulalu.

Kyokka bino Netanyahu tebyamukanze era yagenze mu maaso n’okuwaga nti tewali agenda kubatiisatiisa era buli anaakola effujjo bakomando be bagenda kumutta awatali kusaasira n’ayozaayoza amagye ge olw’ekikwekweto kye baakoze ku nsalo omwafiiridde abantu.

 ared ushner ne mukyala we vanka rump wakati abaatongozza ekitebe kya merika Jared Kushner ne mukyala we Ivanka Trump (wakati) abaatongozza ekitebe kya Amerika.

Netanyahu yayongeddeko nti okumanya kati tasiika binyomo, tagenda kussa mmundu okutuusa ng’amaze Assad owa Syria n’abamuwaga bonna amampaati n’alangirira nti bwe kiba kyetaagisa agenda kusindika bamuntunsolo be mu Syria batemule Pulezidenti Assad ekiba kibe.

Yamalirizza agamba nti ekinaawonya effujjo mu kyondo kya Buwarabu kuggyawo Assad, abamuwagira n’okumupokera ebyokulwanyisa “beesootinge”.

Ekibiina kya Arab Leaugue ekikola ku nsonga za Buwarabu kirangiridde olukung’aana ggaggadde mwe kigenda okuyita okuvumirira ekikolwa kya Yisirayiri ne Amerika kye bayise okutabangula ekitundu kyabwe.

Kyokka Katikkiro Netanyahu yabaanukudde ng’ayita ku mukutu gwe ogwa Twitter nti olukung’aana lwe bategese alulindiridde n’amaddu kyokka bamanye nti buli ggwanga lirina obuvunaanyizibwa okukuuma ensalo zaalyo era ekyo Yisirayiri ky’ekolera ddala.

More From The Author

Emboozi z’omuwandiisi endala

Emboozi endala

St1buk250518 220x290

BUKEDDE W’OLWOKUTAANO YAFULUMYE...

Mulimu ebipya ku batta abawala omuli obujulizi obubalumiriza kyokka nga butiisa.

Save 220x290

Museveni ayogedde ku bawamba abawala...

Pulezidenti agambye nti abatemu abawamba abawala ne babatta babafunzizza era gwe basembyeyo okukwata yabadde n’emirambo...

Whatsappimage20180524at20027pm 220x290

Abadde alimbalimba omuyizi wa S.4...

Emirimu gisannyaladde okumala akaseera mu ppaaka enkadde mu kibuga Kampala abagoba ba takisi abakolera ku siteegi...

Isabeti4 220x290

Yeemulugunyizza ku mutindo gwa...

OMUTEDENSI wa KIU Henry Kyobe akukkulumidde akakiiko akaddukanya omuzannyo gwa Beach Soccer olw’enzirukanya etamatiza...

Kasangati 220x290

Bawambye omuwala omulala e Kasangati...

ABAWAMBA abantu beesomye luno, bawambye omukazi omulala e Kasangati ne basaba obukadde 10, kyokka olubaweerezzaako...