TOP
  • Home
  • Amawulire
  • Sipiika eyakwata ow'emyaka 16 bamutaddeko obikwakkulizo obukakali

Sipiika eyakwata ow'emyaka 16 bamutaddeko obikwakkulizo obukakali

By Lawrence Kitatta

Added 19th May 2018

SIPIIKA wa Munisipaali ya Kira Frank Ssemukuye abadde attunka n’omuwala Shifirini Adikini okumukozesa ku myaka emito (16) n'amuzaalamu omwana ate n’atamulabirira aludde ddaaki n'akkiriza okutuukiriza obuvunaanyizibwa bwe.

Yiga 703x422

Akello ne Ssemukuye (ku kkono).

Adikini nga kati alina emyaka 18 agamba, mu 2016 Ssemukuye yamufumbiikiriza mu kiyigo ng’anaaba n'amukozesa n’amufunyisa olubuto ate bwe yamutegeezaako n'alwegaana.

Ku Lwomukaaga lwa wiiki ewedde minisita Nakiwala Kiyingi yasisinkana enjuyi zombi mu ofiisi ye n'assa Ssemukuye ku nninga n'akkiriza nti, omwana wuwe n'amuwa n’erinnya erya Leticia Kisaakye Nakyambadde.

Wadde Ssemukuye yakkirizza omwana, minisita Nakiwala yamulagidde bagende ne ku musaayi okukakasa nti, omwana ddala wuwe.

OBUKWAKKULIZO OBUMUTEEREDDWAAKO

1 Okulabirira omwana Leticia Kisaakye Nakyambadde.

2 Obutaddamu kuwakana nti si ye kitaawe w'omwana omutuufu.

3 Okusasula ssente ez’okulabirira omwana buli mwezi ssente 100,00/- ng'ennaku z'omwezi 15 tezinnayita.

4 Okuweerera Adikini kkoosi y’okukola enviiri ssente 120,000/- etandika mu September w'omwaka guno.

5 Obweyamo buno bugenda kuteekebwa mu nkola ekitongole ekikola ku nsonga z’abaana mu minisitule y’ekikula ky’abantu ne kkooti ekola ku nsonga z’abaana e Nakawa.

Kyokka wadde Ssemukuye yabadde akkirizza obukwakkulizo buno, bwe yatuuse okussa omukono ku ndagaano yataddeko mufu. Kino munnamateeka w’omuwala Barbra Akullo yakirabye n’amuwaliriza okussaako omukono omutuufu.

TUMUTWALA MU KKOOTI

Munnamateeka Akello yategeezezza nti, Ssemukuye k'akkirizza nti omwana wuwe kimala bumazi okukakasa nti yasobya ku mwana era tajaganya nti, ensonga ziwedde akadde konna agenda kusimbibwa mu kkooti kuba yeegatta n'omuwala omuto alina emyaka 16 gyokka.

Agambye nti, omusango guno guludde nga tegugenda mu maaso olw'ensonga nti, wabadde tewali bujulizi bukakasa kusobya ku mwana wabula k'akkirizza nti omwana wuwe kimala okumatiza omulamuzi nti, Sipiika yasobya ku mwana atannaba kwetuuka ng’alina okubonerezebwa.

Famire ya Adikini erina ebbaluwa kwe baamugemera eraga nti, yazaalibwa nga Agust 9, 2000.

More From The Author

Emboozi z’omuwandiisi endala

Emboozi endala

Kap1 220x290

Abadde yefuula omusawo n'abba abalwadde...

Abadde yefuula omusawo n'abba abalwadde mu ddwaliro Poliisi emukutte

Jingo1 220x290

Embaga za ba ssereebu; Eya Rebecca...

BW’OBALABALAMU embaga za basereebu, eya Joel Isabirye ne Rebecca Jjingo yekyasinze okumenya likodi.

Mentees4webuse 220x290

Abawala abazaala nga tebanneetuuka...

Abazaala nga tebanneetuuka e Kamuli basomeseddwa emirimu eginaabayamba okulabirira abaana ababazaalamu be babalekera...

Blick002 220x290

Blick ayagala kuwangula mpaka z'e...

Blick agamba nti ssinga awangula empaka z'e Hoima, kyakutangaaza emikisa gye egy'okusitukira mu ngule y'eggwanga...

Rdcwemukonokuddyofredbamwinengakwasageorgentulumeekirabokyesaawaekyamuweereddwaokumwebazaolwemirimugyewebuse 220x290

Ab'e Mukono baanirizza CAO ne RDC...

Ekitebe kya disitulikiti y’e Mukono kyanirizza CAO omuggya ssentebe wa LC V n'amulabula obuteesembereza ba ng’ambo...