TOP

Mmengo egenda kuzimba ebitawuluzi

By Musasi wa Bukedde

Added 22nd May 2018

Mmengo egenda kuzimba ebitawuluzi

Lip2 703x422

MMENGO egenda kuzimba ebitawuluzi okwetooloola Obwakabaka ng’omu ku kaweefube w’okukendeeza ku misango n’enjawukana eziva ku bantu okukaayanira ebintu naddala ebyenfuna omuli n’eby’obusika.

Bino byayanjuddwa Minisita Omubeezi ow’ebyobuwangwa, Yusuf Wamala Ggaganga bwe yabadde akiikiridde Katikkiro Charles Peter Mayiga ku mukolo abatuuze okuva mu magombolola okuli Ssaabawaali Kalagala, Mutuba II Katikamu, Ziroobwe ne Bamunaanika mu ssaza ly’e Bulemeezi nga bakulembeddwaamu Omumyuka wa Kangaawo Charles Ssegujja kwe baaleetedde oluwalo lwabwe e Bulange- Mmengo gye buvuddeko. “Obwakabaka bulina enteekateeka ey’okukola pulaani ey’ebitawuluzi mu Bwakabaka nga bifaanaganira ddala nga bw’olaba embuga z’amasaza.

Njagala okwebaza eggombolola y’e Katikamu etulaze nti nayo erina ky’etandiseewo, ebitawuluzi era mbasaba mukwatagane n’ekitongole kya gavumenti ezeebitundu okulambikibwa ku nsonga eno,” Minisita Ggaganga bwe yategeezezza.

Ggaganga yayongedde n’asaba abaami ba Kabaka ku mitendera gyonna okuweereza n’obwesimbu ate baleme kutunda bintu bya Kabaka ng’Omumyuka w’Oweggombolola y’e Ziroobwe, Ronald Ssenyonjo, bwe yakola ne yeekobaana n’abaali mu gavumenti eya wakati okutwala ettaka ly’eggombolola.

Ssegujja yasabye Mmengo ebayambe efune Bannamateeka okugenda mu bitundu by’ebyalo okubangula abantu ku mateeka n’okuwolereza abo abagagga be batwalako ettaka lyabwe.

Ssaabawaali Kalagala, George Kaleebu yategeezezza nti ensonga z’ettaka mu kitundu kye zeetaaga Obwakabaka okuyimukiramu okujja okuzigonjoola naddala erisangibwa mu muluka gw’e Degeya. Eggombolola yaleese oluwalo lwa nsimbi 2,117,000/-. Ab’e Katikamu nga bakulembeddwaamu Oweggombolola Mukuma Edmond Sserunkuma baaleese 2,700,000/-, Bamunaanika 2,190,000/-, ate Ziroobwe 1,551,000/-.

More From The Author

Emboozi z’omuwandiisi endala

Emboozi endala

Katikkiromayigangaalinaboogezibokumikoloabeetabyekumukologwoluwalokubulanekulwokubiri002webusenu 220x290

Katikkiro Mayiga abakubirizza okunnyikiza...

Katikkiro wa Buganda, Charles Peter Mayiga akubirizza Ab'e Buluuli ne Ssese okunnyikiza obulimi kubanga teri mulimu...

Manya 220x290

Abakazi abasinga tebamalaamu kagoba...

Abakazi emirundi 6 ku 10 gye beegatta mu kaboozi tebatuuka ku ntikko. Wabula babuulire kwekoza nga abamazeemu akagoba....

Saalwa703422 220x290

Teddy ayanukudde Bugingo ku bya...

TEDDY Naluswa Bugingo ayanukudde bba Paasita Aloysius Bugingo ku kya ffiizi z’abaana ne ssente.

Florencekiberunabalongowebuse 220x290

Alina olubuto lw'abalongo ne by'olina...

Abasawo balaze abalina olubuto olulimu omwana asukka mu omu bye balina okukola obutabafiirwa nga tebannazaalibwa...

Research1 220x290

Ebizibu ebibeera mu kutambuliza...

ABATANDIKA omukwano ekimu ku birina okwewalibwa ku kugutambuliza mu kweteeka mu butaala ate nga si bwoli.