TOP
  • Home
  • Amawulire
  • Kadaga ayagala poliisi eddizibwe omulimu gw'okukebera omutindo gw'ebidduka

Kadaga ayagala poliisi eddizibwe omulimu gw'okukebera omutindo gw'ebidduka

By Muwanga Kakooza

Added 22nd May 2018

SIPIIKA Rebecca Kadaga ayagala omulimu gw’okukebera ebidduka okulaba oba biri mu mbeera nnungi guddire poliisi nga bwe gwali edda era wassibwewo kkamera z’oku nguudo ezisobola okulondoola abazza emisango gy’okuvuga endiima.

Aaaaaaasmall703422 703x422

Kino kiddiridde gavumenti okuggya ku poliisi omulimu guno n’egukwasa kkampuni y’obwanannyini eyeeyambisa ebyuma okukebera  n’okukakasa nti ebidduka biri mu mbeera nnungi.

Kyokka Kadaga eyabadde ayogera ku mukolo gw’okutongoza kaweefube w’okulwanyisa obubenje ku nguudo  amanyiddwa nga ‘’Legislative Action Plan on Road safety ‘’ wamu n’okufuna ekiwandiiko okuva  mu kibiina ekigatta ababaka abalwanirira obutebenkevu ku nguudo abeegattira mu kibiina kya ‘’ Parliamentary Forum on road safety’’  yasabye omulimu guno guddire poliisi.        

‘’Twetaaga omulimu gw’okukebera ebidduka guddire poliisi era eweebwe ebikozesebwa ebisobola okukola omulimu guno,’’ Kadaga bwe yagambye.

Yayongeddeko nti mu Amerika kamera ze zirondoola abavuga obubi  ne zibaloopa eri abakwasisa amateeka ne babakangavvula. Kino Kadaga ayagala kye kiba kikolebwe ne mu Uganda.

‘’Tuludde nga tuwulira eby’okussaawo kamera z’oku nguudo kyokka tetunnamanya we bituuse. Bwe zinaatandika kijja kuba kya mugaso mu kulondoola abavuga obubi,’’ Kadaga bwe yagambye.

Minisita w’eggwanga ow’ebyentambula, Aggrey Bagiire  yagambye nti okulwanyisa obubenje kwetaaga buli omu okukwenyigiramu n’asanyukira ababaka olw’okuvaayo ku nsonga eno.

Bagiire yasabye gavumenti okussaawo ssente ezimala okulwanyisa obubenje ku nguudo.

 

More From The Author

Emboozi z’omuwandiisi endala

Emboozi endala

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja

Kookifelixssekubuuza31 220x290

Atendeka Kiboga bagikubye ne yeekwasa...

Atendeka Kiboga agamba nti ddiifiri yagisalirizza olwo Kireka n'egikuba mu Big League.