TOP
  • Home
  • Amawulire
  • Katikkiro Mayiaga asoomoozezza Poliisi ku tekinologoya akwata ababbi

Katikkiro Mayiaga asoomoozezza Poliisi ku tekinologoya akwata ababbi

By Dickson Kulumba

Added 23rd May 2018

Katikkiro Mayiaga asoomoozezza Poliisi ku tekinologoya akwata ababbi

Hub1 703x422

Katikkiro ng'annyonnyola

KATIKKIRO Charles Peter Mayiga asomoozezza Poliisi okukozesa tekinologiya ali ku mulembe basobole okukwata abatemu abagufudde omugano gw’okutta abantu naddala wano mu bitundu bya Buganda ekintu kyeyagambye nti singa tekisalirwa magezi, kyandireetera gavumenti obuzibu.

Bino yabyogeredde Bulange- Mmengo ku Lwokubiri May 22, 2018 bweyabadde asisinkanye abatuuze okuva mu magombolola ag’enjawulo mu  ssaza ly’e Busiro abazze okuleeta Oluwalo lwabwe olw’okuwagira emirimu gy’Obwakabaka.

 

“Okuwandiisa essimu kyokka tekimala  kubanga mu nsi muyinza okubaamu ba John Mukasa bangi, bonna onabanoonya gyebali? Naye kyetaaga tekinologiya asobola okulondoola oli wakubidde essimu kubanga tekinologiya alondoola essimu weeri, waali nga kino kyetaagisa tekinologiya atali wakikugu nnyo eraga ekifo omuntu wakubidde essimu ekoze obuzibu. Simanyi lwaki ono tebamukozesa okukwata abattemu. Negatta ku bakulembeze b’e Busiro okusasira bonna abafiriddwa abantu baabwe,” Mayiga bweyategezezza.

Kino kiddiridde okuwambibwa n’okuttibwa kw’abaana babiri okuli Israel Namaleego (4) ne Dorcus Nakiwunga (2) ab’e Naluvule mu ggombolola ya Mumyuka Wakiso nga bawambibwa ku Lwokutaano lwa wiiki ewedde kyokka ku Mmande ya wiiki eno nebasangibwa nga battiddwa!

Abaami ba Kabaka abatwala ekitundu okuli Aloysius Ssemmanda nga ye Mumyuka w’Omwami atwala essaza ly’e Busiro wamu ne Edward Nsibuka nga yatwala eggombolola  

Mumyuka Wakiso bebasoose okumulopera ettemu erisusse mu kitundu kyabwe.

Ku lulwe Ssemmanda naye eyasimatukako abattemu yategezezza nti yasalawo okukuza ekirevu okutuusa Uganda ne Buganda lwebirivaayo okuvumirira ettemu erisusse mu ggwanga ensangi zino.

Katikkiro Mayiga yayongedde nategeza nti ekikolwa ky’okuwamba n’okutta abantu kiriko abantu abakiri emabega n’ekigendererwa ky’okukumira abantu mu kutya nategeza nti kino tekitwala nkulakulana mu maaso nga buli kadde babeera mu bweralikirivu bwa kutaasa bulamu.

More From The Author

Emboozi z’omuwandiisi endala

Emboozi endala

Cana 220x290

Abakyala temusirikira ebibaluma...

Abakyala n’abaana bawereddwa amagezi obutasirikira ebibaluma mu maka ne mu bulamu obwa bulijjo

Kayihura avuddemu omwasi: 'Bankijjanya,...

OMUSASI wa Bukedde ayogedde ne Gen. Kale Kayihura ku kkoligo lye baamutaddeko obutaddamu kulinnya kigere mu Amerika...

Ssaavabugingonakiwala4 220x290

Nakiwala atadde ku Bugingo obukwakkulizo...

MINISITA w’abavubuka n’abaana, Florence Nakiwala Kiyingi atadde ku Paasita Aloysius Bugingo obukwakkulizo ku ngeri...

Lobe 220x290

Owa bbooda eyalaba eyatemula Nagirinya...

OWA boda eyavuganga ddereeva wa Nagirinya, Ssaalongo Ronald Kitayimbwa, ayogedde bwe yayitibwa poliisi y’e Katwe...

Twala 220x290

Kayihura nnatti za Amerika zimunyize...

GEN. Kale Kayihura alaajanye ku nnatti za Amerika, bw’ayise mu bannamateeka be ne bakola enteekateeka okusisinkana...