TOP

Muwala wa Sseninde ayanjudde ‘muvabulaaya’

By Musasi wa Bukedde

Added 5th June 2018

Muwala wa Sseninde ayanjudde ‘muvabulaaya’

Kip1 703x422

Nabulime ne bba Ssali.

Joanitah Nabulime ayanjudde bba Paul Ssali eri bakadde be Omwami Kizza Sseninde ne Minisita Rosemary Nansubuga Sseninde ku mukolo ogw’ekitiibwa ogwabadde mu maka gaabwe e Kasangati ku lw’e Gayaza kuLwomukaaga.

Ssali abeera mu Amerika. Omukolo gwatandise n’okusaba okwakulembeddwa Omwawule w’e Wampeewo,Wilson Segawa era abako baayaniriziddwa wakati mu mazina agaakuliddwa Annet Nandujja owa The Planets.

Nnamutikkwa w’enkuba eyafukumuse teyasaze ku ssanyu ly’abantu abaabadde abangi abaakulemebddwa Omumyuka wa Pulezidenti, Edward Ssekandi eyabugiriziddwa Baminisita Gen. Elly Tumwine avunaanyizibwa ku butebenkevu, Parsis Namuganza ow’Ebyettaka ne Muluuli Mukasa ow’ensonga z’abakozi ba Gavumenti.

Abo beegattiddwaako mikwano gya Basseninde okuva mu magye, ababaka ba palamenti, abakungu b’e Mmengo n’ebikonge bya Gavumenti naddala abaavudde mu Minisitule y’Ebyenjigiriza ng’eno Muky. Sseninde gy’akolanga Minisita avunaanyizibwa ku masomero ga pulayimale.

Sseninde yakuutidde Ssali okwagala muwala we, gwe yagambye nti sayizi y’obutono gy’aliko yenkana ne Rosemary bwe yali, mu kiseera Sseninde we yamuwasiza kati emyaka 30 n’okusoba. Kyokka olwa Sseninde okulabirira obulungi Rosemary olowooza nti baafumbiriganiddwa ggulo.

Embaga ya ku Lwamukaaga luno e Namirembe. Ssekandi eyawaddeyo olunaku lwonna n’abeera ne Basseninde yasibiridde Ssali ne Joanita entanda y’okubeera abakozi. Minisita Namuganza yayogedde ku mbeera y’Ebyettaka n’akuutira abantu okukola ennyo balifune kubanga ettaka bwe bugagga.

Kyokka yabalabudde obutattihhana lwa ttaka n’awa ekyokulabirako ky’abooluganda abaafudde e Masaka nga bakaayanira ettaka ne yeebuuza bwe mufa olwo liba ly’ani? Tumwine yagumizza abantu ku byokwerinda nti abagezaako okutabangula eggwanga bajja kusaanyizibwawo. Yasuubizza Ssali ne mukyala we ente.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.