TOP
  • Home
  • Amawulire
  • Leero mu mboozi y'omukenkufu tukulaze engeri butto w'empirinvuma gy'alwanyisaamu ebizimba mu bakyala

Leero mu mboozi y'omukenkufu tukulaze engeri butto w'empirinvuma gy'alwanyisaamu ebizimba mu bakyala

By Musasi wa Bukedde

Added 6th June 2018

Leero mu mboozi y'omukenkufu tukulaze engeri butto w'empirinvuma gy'alwanyisaamu ebizimba mu bakyala

Pi1 703x422

Nyanzi (owookusatu okuva ku kkono) ng’annyonnyola abantu ebikwata ku butto w’empirivuma.

EMPIRIVUMA ziva ku kisansa okuva ensansa eziruka emikeeka ne ze bakozesa okunyeenya amatabi (abamu bakiyita olukindukindu). Wabula omuti guno bwe gukula guteekako ebibala ebiyitibwa empirivuma. Olw’obugumu bw’omuti guno kwe baggya n’erinnya lya Kabaka erya Lukomwa Nnantawetwa, kubanga enkoma nazo ziva okwo.

Ensigo z’empirivuma ze zimu ku nsigo ezikyasinze okukaluba era omuti kwe ziva gumala ebbanga erisoba mu myaka 50 nga gusika eminnyo mu ttaka ne gugiyingiza mu nsigo zino. Enkima n’ebisodde birya ensigo zino ne bitalumbibwa ndwadde.

Tezirina bulabe ku muntu, era tuzirya naye engeri gye tuzitegekamu si ntuufu. Abamu basooka kuzisiikako ate ekitta ebirungo ebirimu, osaanye kuzirya nga mbisi naye zikaluba awo ffe aba Pro Biorearch tukwanguyirizza ne tukamulamu butto.

Era butto akamuddwaamu ayamba bino; lOkwongera omutima amaanyi n’okugumya ebinywa ne nnabaana, era kyova olaba edda abakyala nga bali lubuto nga bazirya ne basobola obutazaalira ku biso. N’olumu nga bazaalira waka ku kitooke.

Egumya amagumba, omuntu n’atambula olugendo oluwanvu naye nga takooye era bw’otunuulira Abasenegal abazirya ennyo baba bagumu ate nga balina amaanyi.

Tunuulira ku bazannyi b’omupiira abavaayo.

Ezibukula enseke z’abakyala kuba erimu ekirungo kya ‘Nicotinic acid’ ekizibukula enseke z’abakyala amagi ne gasembera omukyala ne kimwanguyira okufuna olubuto.

Eyamba ku bakyala abali mu nsonga obutalumizibwa, bano bakozesa butto waayo. lNnungi ku bantu abalina enkwaso ennafu, naddala ssinga omukozesa ng’omugasse wamu ne butto ava mu biryo by’ensujju.

Ziyamba abaana abasoma kuba butto alimu vitamiini B6 ayamba omuntu okulowooza n’okukwata amangu.

 Butto ayamba okukkakkanya ku alusa.

Ayamba ku binyama ebikwata mu nnyindo naddala mu baana ne baba nga baziyira olumu kibaviirako okufa.

Ebizimba mu nnabaana kuba etereeza obusimo bw’omubiri n’otafuna bizimba.

Abantu abeerabira ennyo naddala abakadde, butto abayamba okuba nga tokyerabiralabira.

Akola yugati, oddira butto w’empirivuma n’omugatta mu yugati n’okola yugati azzaamu amaanyi ate nga wa butonde.

Empirivuma ezzaamu amaanyi g’ekisajja n’okuwangaalira mu kisaawe.

Eyamba ku bantu abalina obulwadde bw’abazira ssinga onywa akajiiko kamu ku mazzi agabuguma.

Abaana abatera okulumbibwa endwadde ebayamba okuzirwanyisa. Ekibi empirivuma bagitemye naye kye kiseera okutandika okugisimba. Bw’oba onywa oteeka akajiiko kamu mu mazzi agabuguma. Asangibwa ku Equatorial Mall dduuka nnamba 152 mu Kampala. Mufune ku 0702061652 / 0779519652.

More From The Author

Emboozi z’omuwandiisi endala

Emboozi endala

Buk02680453 220x290

Buduuda: Gav't egenda kusengula...

GAVUMENTI egenda kusengula abantu 6,000 okuva mu disitulikiti y’e Buduuda mu Bugisu ng’ebatangira okubuutikirwa...

Kola 220x290

Eddie Mutwe, kanyama wa Bobi Wine...

KYADDAAKI kkooti Enkulu e Gulu ekkirizza kanyama w’omubaka wa Kyadondo East, Robert Kyagulanyi Ssentamu, ayitibwa...

Kuwaayonkozi5 220x290

Katikkiro Mayiga akunze abantu...

KATIKKIRO Charles Peter Mayiga akunze abantu ba Buganda okuvaayo okuwagira omulimu gw’okuzimba ekifo awagenda okujjanjabirwa...

Saba 220x290

Ab'e Lubya balaajanidde Poliisi...

KANSALA wa Lubya 1 ku munisipaali y’e Lubaga, Muhammad Ssentamu alaze obwennyamivu olw’abavubuka ababbi abatambulira...

Mkngo2 220x290

Bassentebe b’ebyalo balabuddwa...

Omulamuzi wa kkooti enkulu e Soroti, David Batema alabudde bassentebe b’ebyalo n’emiruka okwewala okuwozesa emisango...