TOP
  • Home
  • Amawulire
  • Fayiro y'okutta Kaweesi eweerezeddwa mu Kkooti Enkulu

Fayiro y'okutta Kaweesi eweerezeddwa mu Kkooti Enkulu

By Musasi wa Bukedde

Added 8th June 2018

FAYIRO y’omusango gw’okutta eyali omwogezi wa poliisi Andrew Felix Kaweesi eweerezeddwa mu Kkooti Enkulu.

Kaweesi703422 703x422

FAYIRO y’omusango gw’okutta eyali omwogezi wa poliisi Andrew Felix Kaweesi eweerezeddwa mu Kkooti Enkulu.

Fayiro eno ebadde mu kkooti ento e Nakawa, omusango gye gubadde guwulirwa.

Omulamuzi Noah Ssajjabbi abadde mu mitambo gy’omusango guno yategeezezza balooya b’abasibe 23 abaabadde bagenze okuwulirwa okugobwa kw’omusango guno.

Okusaba okugoba omusango guno kiddiridde balooya b’abasibe okuwandiikira kkooti nga bagisaba egobe omusango guno, gwe bagamba nti guliwo mu bukyamu ng’abagambibwa okutta Kaweesi si batuufu.

Ssajjabbi yagambye nti tasobola kuwa nsala ye ku musango guno kubanga fayiro yayitiddwa n’etwalibwa mu Kkooti Enkulu ewozesa emisango gya nnaggomola nga baagala okugyekenneenya.

Omuwaabi wa Gavumenti Racheal Nabwire ali mu musango guno yagambye nti, babadde tebannaba kumaliriza kukung'aanya bujulizi ne nasaba kkooti ebongereyo ku budde.

Omulamuzi Ssajjabbi ayongeddeyo akakalu ka kkooti ke yawa abasibe 14 be yayimbula okutuusa nga August 14, 2018.

Oluvannyuma lwa Kkooti okwongerayo okuwa ensala yaayo, looya w’abawawaabirwa Gedfrey Turyamusiima yagambye nti, kkooti eringa ebamalira ebiseera nga kati guweze omwaka n’okusoba ng’oludda oluwaabi teruleeta bujulizi.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...