TOP
  • Home
  • Amawulire
  • Lumumba awabudde mukamawe Museveni ku by'okulwanyisa enguzi

Lumumba awabudde mukamawe Museveni ku by'okulwanyisa enguzi

By Muwanga Kakooza

Added 8th June 2018

SSABAWANDIISI wa NRM Justine Kasule Lumumba awabudde Pulezidenti Museveni obutatondawo kitongole kirala kirwanyisa nguzi mu ggwanga wabula ayongere maanyi mu ofiisi ya Kaliisoliiso wa gavumenti ebadde ekola omulimu guno.

Lumumba 703x422

Ssaabawandiisi wa NRM, Justine Kasule Lumumba

SSABAWANDIISI wa NRM Justine Kasule Lumumba awabudde Pulezidenti Museveni obutatondawo kitongole kirala kirwanyisa nguzi mu ggwanga wabula ayongere maanyi mu ofiisi ya Kaliisoliiso wa gavumenti ebadde ekola omulimu guno.

 ‘’Ebitongole bya gavumenti  bw’ebiba birimu obunafu (Pulezidenti) asobola okukyusa etteeka eribiddukanya oba okugobamu abatakola mu kifo ky’okutondawo ebitongole (oba emmeeza) ebirala wansi w’amaka g’obwa Pulezidenti okukola emirimu gye gimu’’ Lumumba bwe yagambye bannamawulire mu Kampala.

Kyokka ye Kaliisoliiso wa gavumenti Irene Mulyagonja ng’ayogera mu mikutu gy’amawulire egitali gimu okuli ne leediyo yagambye nti Pulezidenti okutondawo ekitongole ekirala mu maka g’obwa Pulezidenti okulwanyisa enguzi ssi ky’ekijja okuba ekisoose n’awa eby’okulabirako ebyenjawulo mu mawanga agatali gamu agalina ebitongole ebirwanyisa enguzi ebisoba mu kimu. Mu ngeri y’emu yagambye nti abamu ku beenyigira mu buli bw’enguzi ‘banene’ nga bazibu okukolebwaako.

Kyokka Lumumba ng’asinziira ku kitebe kya NRM e Kyaddondo Road mu Kampala yagambye nti tawagira bya kussaawo  mmeeza mu maka ga Pulezidenti kukola ku buli nsonga n’agamba nti kiyinza okuletera minisitule zonna okuggalwawo nga kino ssi kirungi eri NRM.

Bino bidiridde Pulezidenti okusinziira mu kwogera kwe eri palamenti n’alumba ofiisi ya kaliisoliiso wa gavumenti nti naffu n’agamba nti agenda kussaawo emmeeze erwanyisa enguzi mu maka g’obwa Pulezidenti.

Emmeeza eno egenda kukulemberwa eyali Ssabawandiisi w’ekibiina ekirwanirira embeera z’abasomesa ekya ‘Uganda Teachers Union’ James Tweheyo. Bammemba baako kuliko Martha Asiimwe ne sisita  Grace Akiror. Museveni yewunyizza lwaki abakanda abantu enguzi tebalopebwa wa kaliisoliiso wa gavumenti ne yebuuza ekyatuuka ku ofiisi eno.

Lumumba yagambye eby’okulwanyisa enguzi birekerwe Kaliisoliiso wa gavumenti alina obuyinza okubakwata mu Konsityusoni.

Lumumba era yasabye Pulezidenti Museveni okumalawo obutaakanya obuliwo wakati we (Lumumba) n’akulira eby’okulonda mu kibiina kya NRM obuvuddeko okuneneng’ana mu lwatu n’agamba nti zino tezikyali nsonga za mu kisenge (mu NRM) zituuse mu luggya.

Kyokka  Tanga Odoi yagambye olupapula lw’Olungereza muganda wa Bukedde olwa New Vision nti tekyetaagisa Museveni kuyingira butakaanya buno kuba tewali nsonga nnene emwawula  na mukama we.

            Odoi gye buvuddeko yalangira Lumumba nti mukulembeze mubi atalina bisanizo wadde amanyi bulungi okuzina amazina n’asikiriza abantu okuwa NRM obululu.     

More From The Author

Emboozi z’omuwandiisi endala

Emboozi endala

Bg5 220x290

Omwoleso gwa 'Bride and Grom' 2018...

Omwoleso gwa 'Bride and Grom' 2018 gugguddwaawo e Lugogo: Gwakumala ennaku 3

Laba 220x290

Bp. Ssekamaanya akuutidde ab’e...

OMUSUMBA Mathias Ssekamaanya ayimbye Mmisa e Bungereza n’akuutira Bannayuganda ababeerayo okunyweza obumu.

Ltd 220x290

BUKEDDE W’OLWOMUKAAGA YATUUSE ...

Bazudde ebipya ku kuttibwa kwa Andrew Felix Kaweesi ebiwuniikiriza. Mulimu ebikyuse mu nnaku 100 Ochola z’amaze...

Whatsappimage20180622at25800pm 220x290

Balaze emibiri mu mwoleso gwa Bride...

Ebyana biwala biraze emibiri ku mukolo gw'okuggulawo omwoleso gwa Bride and Groom ogutegekeddwa Vision Group ku...

Lindwa 220x290

Mulindwa bamuloopedde abazannyi...

VIPERS olwawangudde ekikopo kya Azam Uganda Premier League, abamu ku bazannyi baayo ne bateekawo obukwakkulizo...