TOP
  • Home
  • Agawano
  • Omusaayi ogusiigibwa ku miryango gusattizza abatuuze

Omusaayi ogusiigibwa ku miryango gusattizza abatuuze

By Moses Lemisa

Added 13th June 2018

Ttula bali mu kusattira olw’abantu abatannategeerekeka abaagenze bayiwa omusaayi ku mayumba g'omu kitundu.

Ata 703x422

Ampadde ng’alaga abatuuze engeri ababbi gye baggula amadirisa ne layini z’essimu.

Amayumba agasoba 40 poliisi ge yasanze nga gayiiriddwaako omusaayi n'etwalako ogumu okugiyambako mu kunoonyereza.

Mu kiro ekyakeesezza Olwokutaano, abatuuze b’e Ttula mu muluka gwa Kawempe II mu munisipaali y’e Kawempe baagenze okweggulira ng’amaaso gakuba ku musaayi ogwayiiriddwa mu miryango gyabwe.

Baayise poliisi eyakulembeddwaamu Dan Ampadde ne bayoola ogumu ku musaayi guno ne bagutwala okwongera okunoonyereza .

Embeera eno yatadde ekyalo ku bunkenke ekyawalirizza abakulembeze okukuba olukiiko mwe baayitidde poliisi y’e Ttula okusalira awamu amagezi ku nsonga z’ebyokwerinda.

Abatuuze baategeezezza nti kandiba akakodyo k’abatemu abagenda bawamba abantu ne babatta okuwuddiisa ebitongole ebikuumaddembe.

Abamu ku batuuze abaayiriddwa omusaayi ku mayumba kuliko Annet Namaggwa , Sarah Nassimbwa , Kironde Mubiru, Sam Kelonde, Livingstone Ssekamwa, Nabyonga, Paul Kyambadde, Tonny Kavulu, Issa Muteesasira, n’abalala.

“Omusaayi ogwayiiriddwa ku mayumba gaffe gututadde ku bunkenke kuba tubadde tuwulira bibaluwa kati tetumanyi oba be bantu be bamu nga balina ekipya kye baleeta kuba singa omusaayi baguyiwa ku nju nga ssatu tetwanditidde nnyo naye amayumba 40! Waliwo misoni,” Kavulu bwe yategeezezza.

Yagasseeko nti abatuuze abamu tebaagala kudduukirira ng’abamenyi b’amateeka bayingiridde baliraanwa baabwe nga kino kiwadde ababbi okugenda mu maaso okubba abantu nga kati kyaasaliddwaawo buli mutuuze okugula ffirimbi.

POLIISI KY’EGAMBA

Ampadde yasinzidde mu lukiiko n’agumya abatuuze. N’ategeeza nti tebasaanye kutya, poliisi ensonga z’ebyokwerinda mu kitundu kino, ekyazisobola. Yalabudde abakazi n’abaana okwewala okutambula bokka ekiro.

More From The Author

Emboozi z’omuwandiisi endala

Emboozi endala

Kab1 220x290

Katikkiro asoomoozezza Stanly Ntangali...

Katikkiro asoomoozezza Stanly Ntangali ku lulimi oluganda

Hib2 220x290

Ab'olulyo olulangira bakoze bulungibwansi...

Ab'olulyo olulangira bakoze bulungibwansi

Kab2 220x290

Desabre ayogeeyoge kati tulinze...

Desabre ayogeeyoge kati tulinze kawoowo

Deb2 220x290

Nneekolera ebigimusa okuva mu muddo...

Nneekolera ebigimusa okuva mu muddo ogunneetoolodde

Kat2 220x290

Alunda enkoko ez’ennyama n’amagi...

Alunda enkoko ez’ennyama n’amagi weekwate ekirungo kya ‘INTRACO