TOP

Dr. Bitone alojja bazigu abaamuwambye n'okumukuba

By Martin Ndijjo

Added 13th June 2018

Abantu abatanategerekeka bawabye omuyimbi Dr. Bitone bamukubye, bamulese ataawa .

Bito2 703x422

Dr. Bitone mu ddwaaliro e Nsambya

ABANTU abatannategeerekeka bawambye omuyimbi Dr. bitone (Denis Kawuki) mu kiro ekikeesezza leero ne bamukuba mizibu. Bamulese ataawa ne babulawo.

Bitone eyaddamu oluyimba ‘Bwewakolanga’ olwa Elly Wamala tumusanze mu ddwaaliro e Nsambya ng’ali mu bulumi obw’amaanyi olw'ebiwundu bye yafunye ku mutwe kyokka we bukeeredde ku makya abadde afunye mu ku maanyi agogera.

Bitone agamba zaabadde mu ssaawa 5:00 ez’ekiro ng’ava Makindye ku Paka-Last agenda  ku Amazon mu bitundu by’e Luwafu gy'asula.

ekimu ku biwundu ebiri ku mutwe gwa r itone

Ekimu ku biwundu ebiri ku mutwe gwa Dr. Bitone


Yabadde mu mmotoka  y'ekika kya Mark II naye olwa jjaamu eyabadde akutte okuva mu masang'anzira g’enkambi ya Military, okukkirira wansi ku ku Calender Hotel, yasazeewo amusaleko ng'ayita mu kakubo akayita ku bbaala ya Eagles okudda ku Klezia ya St Agnes.

Yabadde yaakavugako katono kwe kulaba mmotoka ekika kya Range Rover emuvaako emabega ng’emukubamu amataala nga balinga abalina kye bamugamba oba okumulabula.

Dr. Bitone agamba nti olwabadde okusiba omusajja omu ye yasoose okuva mu mmotoka n'ajja ku yiye n'amutegeeza nti wa byakwerinda kwe kusaba Bitone amulage ebimukwatako.

Bitone agamba yabadde asikayo densite abasajja abalala basatu ne basembera. Omu yamusonzemu emmundu wakati mu kutya yatandise okulaajana kyokka bano baagenze mu maaso n’okumusiba empingu ku mikono ne bamukunguzza okutuuka mu bitundu bya Calender Hotel ne batandika okumukuba.

Omusajja omu eyawulidde okulaajana okw’amaanyi ye yamuwonyezza bwe basoose okumukanga abaviire kyokka ne yeefuula akuba essimu abazigu kwe kudduka.

More From The Author

Emboozi z’omuwandiisi endala

Emboozi endala

She1 220x290

Abaafunye akabenje mu Ambulance...

Abaafunye akabenje mu Ambulance baziikiddwa

Rak1 220x290

Ssentebe w'ekyalo Laddu emukubye...

Ssentebe w'ekyalo Laddu emukubye n'afiirawo e Rakai

Gat2 220x290

Asangiddwa ng'agenda okukwata abaana...

Asangiddwa ng'agenda okukwata abaana akkiriza omusango n'asaba ekisonyiwo

Mut1 220x290

Ssaabasajja aggaddewo ekisaakaate...

Ssaabasajja aggaddewo ekisaakaate kya Maama Nnabagereka

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...